រាជធានីភ្នំពេញ ៖ មនុស្សប្រុស-ស្រី៣នាក់បានរងរបួសធ្ងន់ បន្ទាប់ពីជិះម៉ូតូទៅបុករថយន្តហាយឡិនឌ័រ បើកឆ្លងផ្លូវ ។ ហេតុការណ៍នេះកើតឡើងកាលពីវេលាម៉ោង១០ និង ៤០ នាទីយប់ ថ្ងៃទី ២៥ តុលា ២០១៤ នៅចំណុចផ្លូវព្រះសីហនុ កែងនិងផ្លូវលេខ១៤៣ ស្ថិតក្នុងសង្កាត់វាលវង់ ខណ្ឌ៧មករា ។
រាជធានីភ្នំពេញ ៖ មនុស្សប្រុស-ស្រី៣នាក់បានរងរបួសធ្ងន់ បន្ទាប់ពីជិះម៉ូតូទៅបុករថយន្តហាយឡិនឌ័រ បើកឆ្លងផ្លូវ ។ ហេតុការណ៍នេះកើតឡើងកាលពីវេលាម៉ោង១០ និង ៤០ នាទីយប់ ថ្ងៃទី ២៥ តុលា ២០១៤ នៅចំណុចផ្លូវព្រះសីហនុ កែងនិងផ្លូវលេខ១៤៣ ស្ថិតក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញយុវជនម្នាក់បើកម៉ូតូធុនធំម៉ាក CBR ពណ៌ស លាយខ្មៅមួយគ្រឿងពាក់ស្លាកលេខភ្នំពេញ1BS-4485 ឌុបនារី២នាក់ដោយធ្វើដំណើរតាមផ្លូវព្រះសីហនុ ក្នុងទិសដៅពីកើត ទៅលិច ក្នុងល្បឿនយ៉ាងលឿន ខណៈមកដល់ចំណុចកើតហេតុម៉ូតូក៏បានបើកជ្រុលទៅបុកចំពាក់កណ្តាលរថយន្តម៉ាកហាយឡិនឌ័រ ពណ៌ខ្មៅ មួយគ្រឿង មិនស្គាល់ស្លាកលេខ ដែលបើកតាមផ្លូវលេខ១៤៣ ក្នុងទិសដៅត្បូងទៅ ជើងឆ្លងផ្លួវ ពេញទំហឹង បណ្តាលឱ្យអ្នកជិះម៉ូតូខ្លះប្លោងទៅបុកនឹងកញ្ចក់រថយន្ត ឯខ្លះទៀតប្លោងទៅបោកនិង ទ្វាររថយន្ត រងរបួសធ្ងន់ទាំង៣នាក់ ចំណែករថយន្តបានបើកគេចបាត់ស្រមោល ។
ក្រោយពេលកើតហេតុជនរងគ្រោះទាំងបីនាក់ ត្រូវបានរថយន្តសង្រ្គោះរបស់មន្ទីរពេទ្យឯកជនគឹម សុងបានមកទទួលយកទៅព្យាបាល ចំណែកម៉ូតូត្រូវបានសមត្ថកិច្ចយកទៅរក្សាទុកឱ្យនៅអធិការដ្ឋានខណ្ឌ៧មករា ។
ចែករំលែកព័តមាននេះ