ក្រុមជម្រើសជាតិកីឡាវ៉ូវីណាម កម្ពុជា ទទួលបានមេដាយចំនួន១៥គ្រឿង ពីព្រឹត្តិការណ៍ SEA Vovinam Championship លើកទី៣ ដែលធ្វើឡើងនៅប្រទេសមីយ៉ាន់ម៉ា កាលពីថ្ងៃទី២២ តុលា កន្លងមក ។
ក្រុមជម្រើសជាតិកីឡាវ៉ូវីណាម កម្ពុជា ទទួលបានមេដាយចំនួន១៥គ្រឿង ពីព្រឹត្តិការណ៍ SEA Vovinam Championship លើកទី៣ ដែលធ្វើឡើងនៅប្រទេសមីយ៉ាន់ម៉ា កាលពីថ្ងៃទី២២ តុលា កន្លងមក ។
ក្នុងចំណោមមេដាយចំនួន១៥គ្រឿងដែលកម្ពុជាដណ្តើមបាននោះ មានមាស៣ ប្រាក់៣ និងសំរឹទ្ធ៩គ្រឿង។ សម្រាប់ប្រទេសចូលរួមទាំងអស់ចំនួន៧ដូចជា កម្ពុជា ឡាវ វៀតណាម ហ្វីលីពីន ឥណ្ឌូណេស៊ី ថៃ និងមីយ៉ាន់ម៉ាជាម្ចាស់ផ្ទះ។ ការទទួលបានមេដាយនេះ ស្របទៅនឹងការតាំងចិត្តរបស់អត្តពលិកកម្ពុជាថា ធ្វើយ៉ាងណានឹងដណ្តើមមេដាយយកមកជូនជាតិឱ្យខាងតែបាន។
សូមបញ្ជាក់ផងដែរថា ប្រភេទកីឡាវ៉ូវីណាមនេះ កម្ពុជាតែងតែទទួលបានមេដាយមិនដែលខានឡើយទាំងព្រឹត្តិការណ៍ស៊ីហ្គេម និងព្រឹត្តិការណ៍ជាលក្ខណៈអន្តរជាតិនានាជាច្រើនទៀត។ អ្វីដែលគួរឲ្យកត់សម្គាល់ មកដល់ពេលនេះមេដាយសរុបរបស់កីឡាវ៉ូវីណាម ដែលទទួលបានពីព្រឹត្តិការណ៍អន្តរជាតិបូករួមទាំងព្រឹត្តិការណ៍លើកនេះទៀត មានចំនួនសរុប៩៣គ្រឿងហើយ ដោយក្នុងនោះមេដាយមាសមានចំនួន១៦គ្រឿង ប្រាក់៣១គ្រឿង និងសំរិទ្ធ៤៦គ្រឿង៕
ចែករំលែកព័តមាននេះ