រាជធានីភ្នំពេញ ៖ រថយន្តកាមរីបាឡែនមួយគ្រឿងបើកដោយបុរសស្រវឹងស្រាម្នាក់ បានបើកមកបុករថយន្តកាមរីឆ្លាមបណ្តាលឱ្យរងការខូចខាតទាំងសងខាង ប៉ុន្តែគ្មានមនុស្សណាម្នាក់រងរបួសនោះទេ ។ ហេតុការណ៍នេះកើតឡើងកាលពីវេលាម៉ោង ១១ និង ៣០ នាទីយប់ថ្ងៃទី ២៤ តុលា ២០១៤ នៅចំណុចមុខ
រាជធានីភ្នំពេញ ៖ រថយន្តកាមរីបាឡែនមួយគ្រឿងបើកដោយបុរសស្រវឹងស្រាម្នាក់ បានបើកមកបុករថយន្តកាមរីឆ្លាមបណ្តាលឱ្យរងការខូចខាតទាំងសងខាង ប៉ុន្តែគ្មានមនុស្សណាម្នាក់រងរបួសនោះទេ ។ ហេតុការណ៍នេះកើតឡើងកាលពីវេលាម៉ោង ១១ និង ៣០ នាទីយប់ថ្ងៃទី ២៤ តុលា ២០១៤ នៅចំណុចមុខភោជនីយដ្ឋានសាមកុក ស្ថិតតាមផ្លូវ៣៦០ ក្នុងសង្កាត់បឹងកង៣ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីឆ្លាម ពណ៌ស្តរមួយគ្រឿង ពាក់ស្លាកលេខភ្នំពេញ 2M-467 ជារថយន្តតាក់ស៊ី បើកដោយបុរសម្នាក់ឌុបភ្ញៀវទៅផ្ទះ ដោយធ្វើដំណើរតាមផ្លូវ៣៦០ ខណៈមកដល់ចំណុចកើតហេតុ រថយន្តឆ្លាមបានឈប់បំរុងដាក់ភ្ញៀវ ក៏ស្រាប់តែមានរថយន្តកាមរីបាឡែន ពណ៌ស្ករ ពាក់ស្លាកលេខភ្នំពេញ2X-6387 ជិះដោយបុរសស្រវឹងម្នាក់ ដោយធ្វើដំណើរស្របទិសគ្នា មកដល់កន្លែងកើតហេតុក៏បានជ្រុលចង្កូតទៅបុក រថយន្តកាមរីបានឆ្លាមចំពីមុខពេញទំហឹងបណ្តាលឱ្យរថយន្តទាំងពីរគ្រឿងខូចខាតខាងមុខដូចគ្នា ។
បន្ទាប់ពីបើករថយន្តបុកគេហើយនោះបុរសដែលជាអ្នកបើករថយន្តបង្កបានព្យាយាមបន្ថែមល្បឿនបើកគេចខ្លួន ប៉ុន្តែម្ចាស់រថយន្តរងគ្រោះបានឡើងជិះរថយន្តដេញតាមពីក្រោយរថយន្តបង្ករហូតមកទាន់ នៅចំណុចមុខហាង អីុ អ៊ែន អ៊ី បោកអ៊ុត រួចបានចុះមកនិយាយសម្រួលគ្នា ដោយភាគីរថយប្តរងគ្រោះទារសំណងពីភាគីបង្ក ចំនួន២០០ ដុល្លារ តែភាគីបង្ក សុំសងតែ១៦០ដុល្លារ ហើយភាគីរងគ្រោះក៏បានយប់ព្រម ។
ចែករំលែកព័តមាននេះ