ខេត្តរតនគិរី ៖ គំនរសំរាមនៅក្នុងផ្សារក្រុងបានលុងគរដូចជាភ្នំ និងរលួយជះក្លិនស្អុយអាសោច ដល់អាជីវករ និងភ្ញៀវជាតិ អន្តរជាតិ ដែលចូលមកទិញទំនិញនៅក្នុងផ្សារ ។ គំនរសំរាមដែលទុកគរដូចភ្នំនេះត្រូវបានអាជីវករប្រាប់ថា ត្រូវបានគរទុករយៈពេលមួយខែមកហើយមិនដែលឃើញក្រុមហ៊ុនមកប្រមូលដឹកជញ្ជូនយកចេញនោះទេ ខណៈដែលពួកគាត់បានបង់ភាស៊ីអនាម័យឱ្យរៀងរាល់ថ្ងៃមិនដែលខានមួយថ្ងៃឡើយ ។
យោងតាមប្រភពពីគណៈកម្មការផ្សារបានឱ្យដឹងថា ចំពោះសំរាមនេះខាងអ្នកគ្រប់គ្រងផ្សារបានម៉ៅការឱ្យទៅក្រុមហ៊ុនជាគង់ជាអ្នកប្រមូល ដោយបង់ថ្លៃឱ្យចំនួន៣លានរៀល ក្នុងមួយខែ ប៉ុន្តែមួយរយៈនេះសាលាក្រុងហាមមិនឱ្យយកសំរាមទៅដាក់នៅកន្លែងចាស់នោះទេ ដោយចាប់តាំងពីថ្ងៃទី៤ តុលារហូតមកដល់បច្ចុប្បន្ននេះ។ ដោយពុំបានជូនដំណឹងដល់ក្រុមហ៊ុនផ្សារនោះទេ ហើយឱ្យក្រុមហ៊ុនផ្សារដោះស្រាយរកកន្លែងដាក់សំរាមដើម្បីឱ្យក្រុម ហ៊ុនជាគង់មកប្រមូលយកសំរាមតែមិនឃើញក្រុមហ៊ុនជា គង់ចូលមកទីនេះឡើយ ។ ដូច្នេះហើយទើបផ្សារយកសំរាមដាក់បណ្តោះអាសន្ននៅកែងផ្សារមួយកន្លែង និងមួយកន្លែងទៀតនៅកន្លែងចាស់ដែលធ្លាប់ដាក់ពីមុន ។ រហូតមកដល់ពេលនេះក្រុមហ៊ុនជា គង់ មិនឃើញមកដឹកសំរាមក្នុងផ្សារដោយទុកឱ្យស្អុយរលួយ។រហូតមកដល់ថ្ងៃទី ២៤ តុលា ២០១៤ នេះក្រុមអនាម័យរបស់ផ្សារក្រុងបានលុងខិតខំដើរប្រមូលសំរាមយកមកទុកមួយកន្លែង ស្រាប់តែលេចឭព័ត៌មានមកថាមានកម្លាំងសមត្ថកិច្ចក្រុងមកចាប់ខ្លួនផាកពិន័យចំពោះបុគ្គលិកណាដែលហ៊ានប្រមូលសំរាមយកមកគរទុកកន្លែងធ្លាប់គរទុក ។
មជ្ឍដ្ឋានជុំវិញផ្សារ ក៏ដូចជាអាជីវករក្នុងផ្សារក្រុងបានលុងស្ទើរតែទាំងអស់ កំពុងតែមានចម្ងល់ថា តើអាជ្ញាធរក្រុងឱ្យយកសំរាមដែរគរទុកនៅក្នុងផ្សារទៅទុកនៅកន្លែងណា ?ឬក៏ច្រកស្បោងប្រមូលទុកតាមតូបឬ ?តែចំណុចសំខាន់គឺភាគីខាងក្រុមហ៊ុនប្រមូលសំរាមលោកជា គង់ឯណោះទេដែលអ្នកម៉ៅការ មិនមកប្រមូលសំរាម មិនមកដឹកសំរាមដែរគរទុករាប់ខែមកហើយ នេះមិនខុសពីខឹងគោ វាយរទេះឡើយ ។ មតិមជ្ឍដ្ឋានទូទៅមានចម្ងល់ទៀតថា កាលពីលោក លី វិន្ទ ជាអភិបានក្រុងចាស់ ពេលដែលមានបញ្ហាសំរាមឬ បញ្ហាអ្វីៗរបស់ក្រុមហ៊ុន និងអាជីវករ តែងតែរកដំណោះស្រាយ ដោយឡែក លោក អ៊ុក សំអុល ពេលមកកាន់តំណែងជាអភិបាលក្រុង ស្រាប់តែមិនរកដំណោះស្រាយ បែរជាមកឱ្យអាជីវករអំពលទុករឿងស្អុយសំរាមទៅវិញគួរ ឱ្យក្រុមហ៊ុនដឹកសំរាមលោកជា គង់ ដឹកសំរាមឱ្យសិន ដោយយកថ្លៃពីក្រុមផ្សារវាជាការស្រេចបាត់ទៅហើយ។បើចង់កែរសោភ័ណភាពផ្សារគួរតែកោះហៅភាគីផ្សារ និងភាគីម៉ៅការប្រមូលសំរាមនិយាយដោះស្រាយគ្នាទៅទើបមិនស្ទះសំរាមនៅគរស្អុយយ៉ាងនេះទេ ។
នៅម៉ោង ៧ ទៅ៨យប់ ថ្ងៃទី២៤ តុលា នេះគេឭសូថាសាលាក្រុងបានលុង និងចាត់ប៉ូលិសឱ្យចាប់ខ្លួនក្រុមអនាម័យផ្សារបើនៅតែយកសំរាមមកគរទុកក្នុងផ្សារ ។
ចែករំលែកព័តមាននេះ