បុរសម្នាក់ដែលកាន់ពូថៅកាលពីថ្ងៃទី២៣ តុលា បានវាយប្រហារលើប៉ូលិស៤នាក់ក្នុងសង្កាត់ QUEENS ក្រុងញូវយ៉ក មុនពេលត្រូវបាញ់ស្លាប់ ។ ប៉ូលិសម្នាក់ក្នុងចំណោមប៉ូលិសទាំងនោះត្រូវបុរសនេះកាប់ចំក្បាលរបួសធ្ងន់បំផុត ។
ពេលប៉ូលិសវ័យក្មេងទាំង៤នាក់នោះកំពុងឈរថតរូបជាមួយអ្នកទេសចរម្នាក់ ពួកគេរងការវាយប្រហារយ៉ាងសាហាវពីសំណាក់បុរសកាន់ពូថៅនោះ ។ ឆាកនៃការវាយប្រហារត្រូវថតបានដោយកាមេរ៉ាត្រួតពិនិត្យរបស់សង្កាត់។ បុរសនេះកាប់ត្រូវក្បាលលោក TAYLOR KRAFT អាយុ២៥ឆ្នាំ ដែលទើបធ្វើប៉ូលិស ព្រមទាំងកាប់ត្រូវដៃប៉ូលិសឈ្មោះ JOSEPH MEEKER អាយុ២៤ឆ្នាំ ដែលទើបធ្វើប៉ូលិសដែរ ។ លោក TAYLOR KRAFT ស្ថិតក្នុងសភាពដុនដាបបំផុតក្នុងមន្ទីរពេទ្យមួយនៃសង្កាត់ QUEENS។ ជនវាយប្រហារភ្លាមៗត្រូវបានប៉ូលិស២នាក់ទៀតបាញ់ស្លាប់ ។ នារីអាយុ២៩ឆ្នាំម្នាក់ដែលដើរលេងក្នុងសង្កាត់នេះដែរ ត្រូវគ្រាប់កាំភ្លើង១គ្រាប់របស់ប៉ូលិស និងស្ថិតក្នុងសភាពដុនដាបដែរ ។
ភ្នាក់ងារ FBI បានស៊ើបអង្កេតលើជីវិតរបស់បុរសប្រើពូថៅនេះ ដោយគេមានឈ្មោះថា ZALE THOMPSON អាយុ៣២ឆ្នាំ ដែលទើបចូលកាន់សាសនាអ៊ិស្លាម ៕
ចែករំលែកព័តមាននេះ