ខេត្តស្វាយរៀង ៖ លោកជំទាវ ដួង វណ្ណា តំណាងរាស្ត្រមណ្ឌលស្វាយរៀងនិងជាតំណាងដ៏ខ្ពង់ខ្ពស់លោកជំទាវបណ្ឌិតម៉ែន សំអន បានរួមគ្នាធ្វើបុណ្យអង្គកឋិនទានសាមគ្គីដង្ហែទៅប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីមាវត្តពោធិ៍ថ្មីហៅវត្តបាវិត កាលពីថ្ងៃទី២៤ តុលា វេលាម៉ោង៩ព្រឹកថ្ងៃទី២៤ តុលា ស្ថិតនៅភូមិច្រកលាវ សង្កាត់បាវិត ក្រុងបាវិត ប្រមូលបច្ច័យបាន៣១.៥០០ដុល្លារ ។
នៅក្នុងពិធីអង្គកឋិនទានសាមគ្គីនោះលោកជំទាវឆឹង ណេង មានប្រសាសន៍ថា អង្គកឋិនទាននេះបានផ្តួចផ្តើមឡើងពីសំណាក់លោកជំទាវបណ្ឌិតម៉ែន សំអន ប្រធានក្រុមការងារថ្នាក់កណ្តាលចុះជួយខេត្តស្វាយរៀង ដោយមានការចូលរួមពីលោកឧកញ៉ាគង់ ទ្រីវ និងលោកស្រី សុខ ស៊ីដា ព្រមទាំងថ្នាក់ដឹកនាំមន្ត្រីរាជការប្រជាពុទ្ធបរិសទ័ចំណុះជើងវត្តពោធិ៍ថ្មីទាំងអស់មូលមតិគ្នាធ្វើបុណ្យអង្គកឋិនទានសាមគ្គីនេះ ដើម្បីដង្ហែយកមកវេរប្រគេនព្រះសង្ឃដែលគង់ចាំព្រះវស្សាអស់ត្រីមាស និងប្រមូលបច្ចយ័កសាងទីវត្តពោធិ៍ថ្មីនេះសម្រាប់ព្រះសង្គគង់នៅផង និងសម្រាប់ប្រជាពុទ្ធបរិស័ទមកប្រារព្ឋពិធីបុណ្យតាមប្រពៃណីព្រះពុទ្ធសាសនា។
បន្ទាប់ពីវេរអង្គកឋិនទានប្រគេនព្រះសង្ឃរួចមកលោកជំទាវអ្នកឧកញ៉ាបានជូនអំណាយដល់ចាស់ជរានិងប្រជាពលរដ្ឋក្រីក្រកុមារា កុមារី៤០០នាក់ក្នុងម្នាក់ទទួលបាន ភួយ១ សារុង១ ក្រមា១ អាវយឺត១ និងថវិកា២ម៉ឺនរៀល ៕
ចែករំលែកព័តមាននេះ