រាជធានីភ្នំពេញ ៖ កម្លាំងសមត្ថកិច្ចនគរបាលខណ្ឌ៧មករា កាលពីវេលាព្រឹកថ្ងៃទី២៤ តុលា ២០១៤ បាននាំគ្នាចុះធ្វើសណ្តាប់ធ្នាប់រៀបចំរថយន្តតាក់ស៊ី និងរថយន្តដឹកភ្ញៀវទេស ដែលអះអាងថា បានឈប់សំចតយ៉ាងអនាធិបតេយ្យនៅម្តុំផ្សារដេប៉ូ និងមុខក្រសួងអភិវឌ្ឍន៍ជនបទ ។
រាជធានីភ្នំពេញ ៖ កម្លាំងសមត្ថកិច្ចនគរបាលខណ្ឌ៧មករា កាលពីវេលាព្រឹកថ្ងៃទី២៤ តុលា ២០១៤ បាននាំគ្នាចុះធ្វើសណ្តាប់ធ្នាប់រៀបចំរថយន្តតាក់ស៊ី និងរថយន្តដឹកភ្ញៀវទេស ដែលអះអាងថា បានឈប់សំចតយ៉ាងអនាធិបតេយ្យនៅម្តុំផ្សារដេប៉ូ និងមុខក្រសួងអភិវឌ្ឍន៍ជនបទ ។
ការចុះធ្វើសណ្តាប់ធ្នាប់នេះ ដឹកនាំកម្លាំងលោកអនុសេនីយ៍ទោម៉ុក បូរុណឆសក្ខ័ ប្រធាននគរបាលប៉ុស្តិ៍រដ្ឋបាលសង្កាត់វាលវង់ ដែលមានបទបញ្ជាពីលោកអធិការនគរបាលខណ្ឌ៧មករា ។
លោកនាយនគរបាលប៉ុស្តិ៍វាលវង់បានឱ្យដឹងថា ទីតាំង២កន្លែងដែលត្រូវមានបញ្ជាឱ្យរៀបចំលើក្រុមអ្នកប្រកបមុខរបររត់តាក់ស៊ី និងរថយន្តទេសចរណ៍ឈប់សំចតសម្រាប់ដឹកភ្ញៀវ ទី១-នៅលើផ្លូវ២១៥ ផ្សារដេប៉ូ ជាក្រុមអ្នករត់តាក់ស៊ីពីភ្នំពេញ ទៅស្រែអំបិល កោះកុង ជាប្រភេទរថយន្តតូច គឺបានណែនាំមិនឱ្យទៅឈប់នៅទីនោះទៀត ។
ទី២-រថយន្តប្រភេទ១២កៅអី ដែលទៅឈប់សំចតនៅជាប់សួនច្បារមុខក្រសួងអភិវឌ្ឍន៍ជនបទ ដែលតម្រៀបជួរនៅមុខផ្ទះលោកហុក ឡង់ឌី ដើម្បីរង់ចាំដឹកភ្ញៀវទេសចរ ក៏ត្រូវបានណែនាំឱ្យពួកគេចាកចេញពីទីនោះដែរ ។ ហើយបើតាមលោកនាយនគរបាលប៉ុស្តិ៍វាលវង់បញ្ជាក់ថា ថ្នាក់លើបានឱ្យកម្លាំងរបស់លោកចុះទៅណែនាំក្រុមអ្នករត់តាក់ស៊ី និងរថយន្តចាំដឹកភ្ញៀវទេសចរចាកចេញពីទីតាំងទាំង២ខាងលើនេះ នឹងឱ្យរកចំណតចូលចតឱ្យបានត្រឹមត្រូវ តែមិនបានកំណត់ទីកន្លែងណាមួយនោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ