ការវាយប្រហារតាមអាកាសរបស់ក្រុមចម្រុះនាំមុខដោយសហរដ្ឋអាមេរិករយៈពេល១ខែ បានសម្លា.ប់ពួកជីហាដជាង៥០០នាក់នៅស៊ីរី ពិសេសបណ្តាសមាជិករបស់ក្រុមរដ្ឋអ៊ិស្លាមដែលនៅតែវាលរុលទៅមុខ កាលពីថ្ងៃទី២៣ តុលា នៅទីក្រុងកូបានេ របស់ពួកឃើតស៊ីរី ខណៈពួកយុទ្ធជនឃើតនៅទីនោះរង់ចាំការបញ្ជូនកម្លាំងមកជួយតាមការសន្យារបស់ពួកឃើតអុីរ៉ាក់ ។
ការវាយប្រហារតាមអាកាសរបស់ក្រុមចម្រុះនាំមុខដោយសហរដ្ឋអាមេរិករយៈពេល១ខែ បានសម្លាប់ពួកជីហាដជាង៥០០នាក់នៅស៊ីរី ពិសេសបណ្តាសមាជិករបស់ក្រុមរដ្ឋអ៊ិស្លាមដែលនៅតែវាលរុលទៅមុខ កាលពីថ្ងៃទី២៣ តុលា នៅទីក្រុងកូបានេ របស់ពួកឃើតស៊ីរី ខណៈពួកយុទ្ធជនឃើតនៅទីនោះរង់ចាំការបញ្ជូនកម្លាំងមកជួយតាមការសន្យារបស់ពួកឃើតអុីរ៉ាក់ ។
ទទួលការចោទប្រកាន់ពីការប្រព្រឹត្តឧក្រិដ្ឋកម្មប្រឆាំងមនុស្សជាតិតាមរយៈការវាយប្រហាររបស់ពួកគេនៅអុីរ៉ាក់ និងនៅស៊ីរី ក្រុមរដ្ឋអ៊ិស្លាមប្រហែលជាអង្គការភេរវកម្មមួយដែលមានប្រភពហិរញ្ញវត្ថុច្រើនដោយសារប្រាក់ចំណូលមកពីការលក់ប្រេងកាត ហើយចំណូលមួយផ្នែកបានមកពីការចាប់មនុស្សទាមទារប្រាក់លោះ រួមជាមួយផលិតផលនានាដែលគេវាយដណ្តើមយកបាន ។
យោងតាមអង្គការសិទ្ធិមនុស្សស៊ីរី OSDH ដែលមានបណ្តាញផ្តល់ព័ត៌មានច្រើនថា នៅប្រទេសស៊ីរី យុទ្ធជន ក្រុមរដ្ឋអ៊ិស្លាម៤៦៤នាក់បានត្រូវស្លាប់រយៈពេលមួយខែដោយសារការវាយប្រហារតាមអាកាសរបស់ក្រុមចម្រុះ ។ ក្នុងចំណោមអ្នកស្លាប់ដោយសារការវាយប្រហារតាមអាកាសទាំងនេះ ក៏រួមមានពួកជីហាដនៃក្រុមរណសិរ្សអាល់នូស្ត្រា ៥៧នាក់ផងដែរ ព្រមទាំងជនស៊ីវិល៣២នាក់ ក្នុងនោះមានកុមារ៦នាក់។ ភាគច្រើននៃយុទ្ធក្រុមរដ្ឋអ៊ិស្លាម និងក្រុមរណសិរ្សអាល់នូស្ត្រាដែលស្លាប់ បើតាម OSDH ថា ពុំមែនជាជនជាតិស៊ីរីឡើយ ៕
ចែករំលែកព័តមាននេះ