រាជធានីភ្នំពេញ ៖ ព្រឹត្តិការណ៍ប្រកួតកីឡាអាគ័រត្លុង ជ្រើសរើសជើងឯកប្រចាំឆ្នាំ២០១៤ ដែលជាការរៀបចំរបស់ក្រសួងអប់រំ យុវជន និងកីឡា សហការជាមួយសហព័ន្ធកីឡាទ្រីយ៉ាត្លុងកម្ពុជា បានចាប់ផ្តើមហើយនាព្រឹកថ្ងៃទី២៤ តុលា ឆ្នាំ២០១៤ នេះ នៅអាងហែលទឹក និងបរិវេណនៃពហុកីឡដ្ឋានជាតិ ដោយមានកីឡាករ-កីឡាការិនីជាង១០០នាក់ចូលរួមប្រកួត ។
រាជធានីភ្នំពេញ ៖ ព្រឹត្តិការណ៍ប្រកួតកីឡាអាគ័រត្លុង ជ្រើសរើសជើងឯកប្រចាំឆ្នាំ២០១៤ ដែលជាការរៀបចំរបស់ក្រសួងអប់រំ យុវជន និងកីឡា សហការជាមួយសហព័ន្ធកីឡាទ្រីយ៉ាត្លុងកម្ពុជា បានចាប់ផ្តើមហើយនាព្រឹកថ្ងៃទី២៤ តុលា ឆ្នាំ២០១៤ នេះ នៅអាងហែលទឹក និងបរិវេណនៃពហុកីឡដ្ឋានជាតិ ដោយមានកីឡាករ-កីឡាការិនីជាង១០០នាក់ចូលរួមប្រកួត ។
សម្រាប់វិញ្ញាសានៃការប្រកួតចែកចេញជា៣ គឺ៖ ១-វិញ្ញាសាអាគ័រត្លុងប្រភេទអាយុក្រោម១៨ឆ្នាំ (បុរស-នារី) អត្តពលិកត្រូវហែលទឹកចម្ងាយ១៥០ម៉ែត្រ និងរត់ចម្ងាយ២.៦០០ម៉ែត្រ ។ ២-វិញ្ញាសាអាគ័រត្លុងប្រភេទអាយុ១៨ឆ្នាំឡើង (បុរស) អត្តពលិកត្រូវហែលទឹកចម្ងាយ២៥០ម៉ែត្រ និងរត់ចម្ងាយ៤.០០០ម៉ែត្រ និង៣-វិញ្ញាសាអាគ័រត្លុង មិនកំណត់អាយុ (បុរស) អត្តពលិកត្រូវហែលទឹកចម្ងាយ៧៥០ម៉ែត្រ និងរត់ចម្ងាយ៥០០០ម៉ែត្រ។
គួរបញ្ជាក់ផងដែរថា ការរៀបចំព្រឹត្តិការណ៍នេះ ធ្វើឡើងដើម្បីពង្រឹងសមត្ថភាពកីឡាករ-កីឡាការិនីរបស់សហព័ន្ធកីឡាទ្រីយ៉ាត្លុង ឱ្យមានការរីកចម្រើនថែមមួយកម្រិតទៀត មុនចូលរួមប្រកួតព្រឹត្តិការណ៍កីឡាស៊ីហ្គេមនៅប្រទេសសិង្ហបុរី នាឆ្នាំ២០១៥ខាងមុខនេះ ។
ចែករំលែកព័តមាននេះ