ខេត្តសៀមរាប ៖ មន្ត្រីរដ្ឋបាលព្រៃឈើសង្កាត់បាគងចុះធ្វើការរឹបអូសយកឈើនាងនួនចំនួន១០ដុំទៅរក្សាទុកតាមបញ្ជាព្រះរាជអាជ្ញារងអមសាលាដំបូងខេត្តសៀមរាប ។ ការចុះរឹបអូសឈើនាងនួននេះធ្វើឡើងនៅម៉ោង១១ និង៣០នាទី ព្រឹកថ្ងៃទី២៣ ខែតុលា ត្រង់ចំណុចលំនៅឋានមួយកន្លែងស្ថិតក្នុងភូមិជន្លង់ សង្កាត់សា
ខេត្តសៀមរាប ៖ មន្ត្រីរដ្ឋបាលព្រៃឈើសង្កាត់បាគងចុះធ្វើការរឹបអូសយកឈើនាងនួនចំនួន១០ដុំទៅរក្សាទុកតាមបញ្ជាព្រះរាជអាជ្ញារងអមសាលាដំបូងខេត្តសៀមរាប ។ ការចុះរឹបអូសឈើនាងនួននេះធ្វើឡើងនៅម៉ោង១១ និង៣០នាទី ព្រឹកថ្ងៃទី២៣ ខែតុលា ត្រង់ចំណុចលំនៅឋានមួយកន្លែងស្ថិតក្នុងភូមិជន្លង់ សង្កាត់សាលាកំរើក ក្រុងសៀមរាប ។
លោក យឹម ស៊ីវន នាយសង្កាត់រដ្ឋបាលព្រៃឈើបាគងបានឲ្យដឹងនៅក្នុងពេលចុះប្រតិបត្តិការថា ការចុះរឹបអូសឈើនេះធ្វើតាមបទបញ្ជាដឹកនាំផ្ទាល់ ដោយ លោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប ។ លោក យឹម ស៊ីវន បន្ថែមថា ឈើដែលបានធ្វើការរឹបអូសនេះប្រភេទនាងនួនមានចំនួន១០ដុំមានមុខកាត់១០ ទទឹងរហូតដល់មុខ៣០ ស្មើនឹង១,១៤០ម៉ែត្រគូប ។ លោកនាយសង្កាត់បន្ថែមទៀតថា ឈើដែលត្រូវបានដឹកយកទៅរក្សាទុកនៅផ្នែករដ្ឋបាលព្រៃឈើបន្ទាយស្រីនោះដើម្បីឲ្យម្ចាស់ឈើចូលខ្លួនមកបង់ពិន័យតាមច្បាប់រដ្ឋបាលព្រៃឈើ ។
សូមបញ្ជាក់ថា ឈើដែលបានធ្វើការរឹបអូសនេះមិនមានឃើញម្ចាស់នោះទេ តែត្រូវរថយន្តមួយគ្រឿងពណ៌ត្រេអីុពាក់ស្លាកលេខ ខ.ម៩៩០៥៨ ដឹកយកមកទម្លាក់នៅមុខសំយ៉ាបក្នុងបរិវេណផ្ទះ ដែលត្រូវគេបានស្គាល់ថា ម្ចាស់ផ្ទះឈ្មោះ ជា សុផល កន្លងទៅក៍ជាអ្នកជួញឈើប្រណិតដែរ ។ប៉ុន្តែលោកជា សុផល បានបដិសេដប្រាប់សមត្ថកិច្ចថា ពេលនេះលោកមិនបានដឹងទេ ព្រោះលោកកំពុងជាប់រវល់នៅខាងក្រោយផ្ទះជាមួយនិងម្តាយចាស់ ហើយរឿងឈើដែលគេយកមកទម្លាក់ចោលនៅមុខផ្ទះនេះមិនពាក់ព័ន្ធជាមួយលោកទេ ។
ចែករំលែកព័តមាននេះ