បុរសម្នាក់បានត្រូវចាប់ខ្លួនកាលពីថ្ងៃទី២២ តុលា ក្រោយពីរូបគេផ្លោះរបងដែកសេតវិមាន មុនពេលរូបគេចូលមិនទាន់ដល់អគារជាកន្លែងរស់នៅរបស់ប្រធានាធិបតីអាមេរិក ដែលបែបនោះដូចគ្នានឹងករណីមួយទៀតកាលពី១ខែមុន ។ អ្នកនាំពាក្យរបស់ប៉ូលិសពិសេសទទួលបន្ទុកការពារប្រធានាធិបតីអាមេរិក លោក Edwin Donovan គូសបញ្ជាក់ប្រាប់ AFP ថា នាវេលាម៉ោង១៩និង១៦
បុរសម្នាក់បានត្រូវចាប់ខ្លួនកាលពីថ្ងៃទី២២ តុលា ក្រោយពីរូបគេផ្លោះរបងដែកសេតវិមាន មុនពេលរូបគេចូលមិនទាន់ដល់អគារជាកន្លែងរស់នៅរបស់ប្រធានាធិបតីអាមេរិក ដែលបែបនោះដូចគ្នានឹងករណីមួយទៀតកាលពី១ខែមុន ។ អ្នកនាំពាក្យរបស់ប៉ូលិសពិសេសទទួលបន្ទុកការពារប្រធានាធិបតីអាមេរិក លោក Edwin Donovan គូសបញ្ជាក់ប្រាប់ AFP ថា នាវេលាម៉ោង១៩និង១៦នាទីម៉ោងក្នុងស្រុក បុរសនោះបានតោងឡើងរបងខាងជើងរបស់សេតវិមាន ។
រូបគេត្រូវចាប់ខ្លួនភ្លាមៗដោយភ្នាក់ងារប៉ូលិសសម្ងាត់ ។ មានអាយុ២៣ឆ្នាំ ជននេះមានឈ្មោះថា Dominie Adesanya រស់នៅ Bel Air រដ្ឋមា៉រីឡែន ។ រូបគេពុំមានអាវុធជាប់នឹងខ្លួនឡើយពេលត្រូវចាប់ខ្លួន ។ក្នុងវីដេអូមួយផ្សាយតាមទូរទស្សន៍អាមេរិក គេឃើញបុរសនេះទាត់ឆ្កែប៉ូលិស ដែលលោតមកខាំគេ បន្ទាប់មករូបគេត្រូវភ្នាក់ងារប៉ូលិសសម្ងាត់ចាប់ខ្លួនបញ្ជូនទៅមន្ទីរពេទ្យមួយដែលនៅក្បែរ ។ ចំណែកឆ្កែ២ក្បាលដែលត្រូវបុរសនេះទាត់នោះ ត្រូវនាំទៅកាន់ពេទ្យសត្វ ។
កាលពីយប់ថ្ងៃទី១៩ កញ្ញា បុរសម្នាក់ឈ្មោះ Omar Gonzalez អតីតយោធា អាយុ៤២ឆ្នាំ ដែលមានកូនកាំបិតបត់មួយដាក់ក្នុងហោប៉ៅ បានឡើងផ្លោះរបងដែកសេតវិមាន រួចរត់ចូលបាន៦០ម៉ែត្រ មុនពេលអាចចូលដល់ទ្វារសំខាន់នៅជាន់ផ្ទាល់ដីរបស់សេតវិមាន ។ ជននេះដើរកាត់បន្ទប់ជាច្រើន មុនពេលត្រូវចាប់ខ្លួន ៕
ចែករំលែកព័តមាននេះ