រាជធានីភ្នំពេញ ៖ ការប្រកួតប្រដាល់ក្នុងក្របខ័ណ្ឌដណ្តើមខ្សែក្រវាត់របស់ក្រុមហ៊ុន K-Cement ក្នុងប្រភេទទម្ងន់៥៧គីឡូក្រាមដែលត្រូវធ្វើឡើងនៅលើសង្វៀនទូរទស្សន៍ស៊ីធីអិន នាថ្ងៃអាទិត្យ ទី២៦ តុលា សម្រាប់ពូល B បានឈានចូលដល់ទីបញ្ចប់អស់ហើយ ។ ណាម ម៉ូរា៉ក់ មកពីក្លិបពន្លឺសាមគ្គីខេត្តបាត់ដំបង ត្រូវជួបប្រកួតជាមួយ ហ៊ុល ដារា មកពីក្លិបសាលវ័ន្តកីឡា ។
រាជធានីភ្នំពេញ ៖ ការប្រកួតប្រដាល់ក្នុងក្របខ័ណ្ឌដណ្តើមខ្សែក្រវាត់របស់ក្រុមហ៊ុន K-Cement ក្នុងប្រភេទទម្ងន់៥៧គីឡូក្រាមដែលត្រូវធ្វើឡើងនៅលើសង្វៀនទូរទស្សន៍ស៊ីធីអិន នាថ្ងៃអាទិត្យ ទី២៦ តុលា សម្រាប់ពូល B បានឈានចូលដល់ទីបញ្ចប់អស់ហើយ ។ ណាម ម៉ូរា៉ក់ មកពីក្លិបពន្លឺសាមគ្គីខេត្តបាត់ដំបង ត្រូវជួបប្រកួតជាមួយ ហ៊ុល ដារា មកពីក្លិបសាលវ័ន្តកីឡា ។
រវាង ណាម ម៉ូរា៉ក់ និងហ៊ុល ដារា ប្រកួតបាន២លើកម្នាក់រួចមកហើយ ប៉ុន្តែលទ្ធផលមិនដូចគ្នាទេ ។ ណាម ម៉ូរា៉ក់ ប្រកួត២លើកឈ្នះ១លើក និងចាញ់១លើក ចំណែក ហ៊ុល ដារា ប្រកួតបាន២លើកដូចគ្នា ប៉ុន្តែចាញ់ទាំង២លើកតែម្តង ។ ទោះបីយ៉ាងណា ណាម ម៉ូរា៉ក់ មិនប្រាកដថា មានវាសនាល្អជាង ហ៊ុល ដារា នោះទេ លើកលែងតែគេប្រកួតឈ្នះលើកនេះ ។ ចំណែក ហ៊ុល ដារា ដែលមិនទាន់ស្គាល់រសជាតិឈ្នះម្តងផងនោះ បើសិនជាចង់យកឈ្នះ ហ៊ុល ដារា ក៏មិនមែនជាការងាយស្រួលនោះឡើយ ។
ម្យា៉ង ហ៊ុល ដារា ជាអ្នកប្រដាល់ចាស់វស្សា មានបទពិសោធប្រកួតនៅលើសង្វៀនល្អជាងឯចិត្តក៏សឿងណាស់ដែរ ។ ដូច្នេះ ណាម ម៉ូរា៉ក់ មិនអាចមើលស្រាលលើ ហ៊ុល ដារា បានឡើយ ហើយការប្រកួតលើកនេះទាំង ណាម ម៉ូរា៉ក់ និងហ៊ុល ដារា សុទ្ធតែចង់ឈ្នះដូចគ្នា ដោយសារ ណាម ម៉ូរា៉ក់ បើសិនជាឈ្នះលើកនេះ គេអាចមានឱកាសឡើងទៅប្រកួតនៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិ ។ តែបើសិនជាប្រកួតចាញ់វិញនោះទាំង ណាម ម៉ូរា៉ក់ និងហ៊ុល ដារា ត្រូវរង់ចាំគណៈកម្មការបូកសរុបពិន្ទុមើលសិន ។
រហូតមកទល់នឹងពេលនេះ នៅក្នុងពូល B គេដឹងរួចមកហើយថាមានតែ ហែល វា៉ មកពីក្លិបឃ្លាំងមឿងកីឡាម្នាក់ប៉ុណ្ណោះ ដែលបានឡើងទៅប្រកួតនៅវគ្គពាក់កណ្តាលផ្តាច់ព្រ័ត្រ ដោយសារកីឡាកររូបនេះប្រកួត៣លើកគឺឈ្នះទាំង៣លើក កំពុងតែឈរនៅក្នុងលំដាប់ថ្នាក់លេខ១ក្នុងពូល ។ ចំណែក ហេង វាសនា មកពីក្លិបព្រៃទទឹងមានឫទ្ធិ ខេត្តបាត់ដំបង ដែលបានប្រកួតចប់មុនគេជាមួយ ហែល វា៉ ដែរនោះ ពេេលនេះកំពុងរង់ចាំអ៊ុតមើលលទ្ធផលការប្រកួតរវាង ណាម ម៉ូរា៉ក់ និងហ៊ុល ដារា លើកនេះជាបន្តទៀត ។ ហេង វាសនា ប្រកួតបាន៣លើក ឈ្នះ១លើក ចាញ់២លើក ដូច្នេះបើ ហ៊ុល ដារា ឈ្នះ ណាម ម៉ូរា៉ក់ អ្នកទាំង៣រូបនេះគឺសម្រេចទៅលើការបូកសរុបពិន្ទុពីគណៈកម្មការរៀបចំការប្រកួតទាំងអស់គ្នា ។ ប៉ុន្តែបើ ណាម ម៉ូរា៉ក់ ឈ្នះវិញ នោះ ហ៊ុល ដារា និង ហេង វាសនា នឹងត្រូវជ្រុះចេញពីវគ្គនេះទាំង២នាក់តែម្តង ៕
ចែករំលែកព័តមាននេះ