រាជធានីភ្នំពេញ ៖ បន្ទាប់ពីឃើញយុទ្ធសាស្ត្រកំណែទម្រង់ប្រព័ន្ធអប់រំស៊ីជម្រៅរបស់ក្រសួងអប់រំយុវជន និងកីឡា លើកដំបូង សាលាកម្ពុជា-អូស្ត្រាលីបានសាទរចំពោះចំណាត់ការនេះ និងបានប្តេជ្ញាធ្វើកំណែទម្រង់ស៊ីជម្រៅ និងពង្រឹងគុណភាពសិក្សារបស់សិស្សតាមទិសដៅក្រសួងអប់រំឆ្នាំសិក្សាថ្មី និងអនាគត។
រាជធានីភ្នំពេញ ៖ បន្ទាប់ពីឃើញយុទ្ធសាស្ត្រកំណែទម្រង់ប្រព័ន្ធអប់រំស៊ីជម្រៅរបស់ក្រសួងអប់រំយុវជន និងកីឡា លើកដំបូង សាលាកម្ពុជា-អូស្ត្រាលីបានសាទរចំពោះចំណាត់ការនេះ និងបានប្តេជ្ញាធ្វើកំណែទម្រង់ស៊ីជម្រៅ និងពង្រឹងគុណភាពសិក្សារបស់សិស្សតាមទិសដៅក្រសួងអប់រំឆ្នាំសិក្សាថ្មី និងអនាគត។
នាយកសាលាកម្ពុជា-អូស្ត្រាលី លោកផាន់ សិទ្ធី បានលើកឡើងក្នុងសិក្ខាសាលាស្តីពីការលើកកម្ពស់វិស័យអប់រំ និងផែនការសកម្មភាពសម្រាប់ឆ្នាំសិក្សា២០១៤-២០១៥ និងឆ្នាំខាងមុននាព្រឹកថ្ងៃទី២៣ តុលា ថា ដើម្បីឆ្លើយបតនឹងកំណែទម្រង់របស់ក្រសួងអប់រំ ក៏ដូចជារាជរដ្ឋាភិបាល សាលាកម្ពុជា-អូស្ត្រាលីបានគិតគូរពីគុណភាពសិស្ស វិន័យ សីលធម៌ ពិសេសនោះពង្រឹងគុណភាពសិក្សាសិស្ស និងការបង្រៀនគ្រូឆ្នាំសិក្សាថ្មី និងអនាគត។
លោកបញ្ជាក់ថា «យើងត្រូវពង្រឹងពុម្ព(គ្រូ)ជាមុនសិន គឺត្រូវសំរិតសំរាំងជ្រើសរើសគ្រូដែលមានគរុកោសល្យ ជាក់ស្តែងបច្ចុប្បន្ននេះគ្រូផ្នែកភាសារអង់គ្លេសមួយចំនួននៅសាលាយើងមិនទាន់មានគរុកោសល្យនៅឡើយទេ គឺគាត់ចប់ការសិក្សាត្រឹមតែថ្នាក់បរិញ្ញាប័ត្រថ្នាក់សាលាអង់គ្លេសប៉ុណ្ណោះ។ បញ្ហានេះបានធ្វើឲ្យសាលាជ្រើសរើសយកគ្រួដែលមានគរុកោសល្យជំនាញភាសាអង់គ្លេសមកបង្ហាត់គ្រូដែលមិនទាន់មានគរុកោសល្យទាំងនោះ ។
ដូច្នេះនៅពេលគ្រូមានជំនាញគរុកោសល្យ នោះនឹងអាចពង្រឹងសមត្ថភាពសិស្ស»។ ទោះបីជាមានការអះអាងបែបនេះក្តី នាយកសាលារូបនេះបានសម្តែងការព្រួយបារម្ភថា បច្ចុប្បន្ននេះមានសិស្សមួយចំនួនមិនបានយកចិត្តទុកដាក់ក្នុងការសិក្សា បែរជាយកពេលទៅលេងសំភារៈទំនើបទៅវិញ(ទូរស័ព្ទ អាយផេត …) ។ ដូច្នេះដើម្បីពង្រឹងគុណភាពសិស្ស សាលាកម្ពុជា-អូស្ត្រាលីនឹងដាក់វិធានការ ដោយមិនអនុញ្ញាតឲ្យសិស្សយកទូរស័ព្ទ ឬអាយផេតលេងក្នុងបន្ទប់រៀនទេ គឺត្រូវបិទទូរស័ព្ទនៅពេលសិក្សា ឬប្រមូលទុកមួយកន្លែងដើម្បីឲ្យសិស្សមានអារម្មណ៍រៀន៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ