រាជធានីភ្នំពេញ ៖ នៅរសៀលថ្ងៃអាទិត្យ ទី២៦ តុលានេះ សង្វៀនទូរទស្សន៍អាស៊ីអាគ្នេយ៍ ពិតជាធ្លាក់ក្នុងសភាពតានតឹង ដោយសារតែនោះគឺជាវិនាទីចុងក្រោយរបស់កីឡាករទាំង៦រូប ដែលត្រូវប្រជែងគ្នាចេញពីតំណែងហាលអាវ។ កីឡាករម៉ន សាម៉េត គឺជាអ្នកដែលត្រូវការឈ្នះដាច់លើ ទិត្យ សុវណ្ណគីរី ទើបអាចឆ្លងផុតពីគ្រោះថ្នាក់ដ៏ធំនេះបាន ។
រាជធានីភ្នំពេញ ៖ នៅរសៀលថ្ងៃអាទិត្យ ទី២៦ តុលានេះ សង្វៀនទូរទស្សន៍អាស៊ីអាគ្នេយ៍ ពិតជាធ្លាក់ក្នុងសភាពតានតឹង ដោយសារតែនោះគឺជាវិនាទីចុងក្រោយរបស់កីឡាករទាំង៦រូប ដែលត្រូវប្រជែងគ្នាចេញពីតំណែងហាលអាវ។ កីឡាករម៉ន សាម៉េត គឺជាអ្នកដែលត្រូវការឈ្នះដាច់លើ ទិត្យ សុវណ្ណគីរី ទើបអាចឆ្លងផុតពីគ្រោះថ្នាក់ដ៏ធំនេះបាន ។
ក្នុងការប្រកួតដណ្ដើមខ្សែក្រវាត់ស្រាបៀរកម្ពុជារបស់ទូរទស្សន៍អាស៊ីអាគ្នេយ៍ គឺមានតែកីឡាករ៦រូបប៉ុណ្ណោះដែលអាចឈានចូលមកដល់ការប្រកួតសន្សំពិន្ទុក្នុងវគ្គ២ ។ កីឡាករទាំង៦រូបបានឆ្លងផុតការប្រកួតម្នាក់៤ប្រកួតរួចមកហើយ ខណៈដែលនៅរសៀលថ្ងៃអាទិត្យគឺជាការប្រកួតលើកទី៥ ចុងក្រោយរបស់ពួកគេជុំគ្នា ដើម្បីកំណត់យកតែ២នាក់ដែលមានពិន្ទុខ្ពស់ទៅដណ្ដើមយកខ្សែក្រវាត់ ឬចំណាត់ថ្នាក់លេខ១ និងលេខ២ ។ ការប្រកួតកន្លងមកមានតែកីឡាករឃីម បូរ៉ា មកពីក្លិបរស្មីភូមិគាបខេត្តបន្ទាយមានជ័យម្នាក់ប៉ុណ្ណោះ ដែលទទួលជ័យជម្នះទាំង៤លើកមាន១២ពិន្ទុ ហើយមានកៅអីស្វ័យប្រវត្តិឡើងទៅវគ្គយកខ្សែក្រវាត់។
កីឡាករដែលមានសង្ឃឹមបានឡើងទៅម្នាក់ទៀត កំពុងអ៊ុតមើលរវាងកីឡាករម៉ន សាម៉េត មកពីក្លិបព្រែកឯងកីឡា និងកីឡាករទិត្យ សុវណ្ណគីរី មកពីសមាគមកីឡាប្រដាល់ក្រសួងកសិកម្ម ។ អ្នកទាំងពីរ នឹងប្រទាញប្រទង់គ្នា ប្រសិនបើ ម៉ន សាម៉េត ចាញ់ ហើយទិត្យ សុវណ្ណគីរី ឈ្នះគូប្រកួត ។ ប៉ុន្តែបើ ម៉ន សាម៉េត ឈ្នះនោះមានន័យថា ទិត្យ សុវណ្ណគីរី នឹងហាលអាវ ដោយមិនខ្វល់រឿងឈ្នះ ឬចាញ់នោះទេ ។ អញ្ចឹងហើយ ទើបម៉ន សាម៉េត ត្រូវការឈ្នះដាច់ខាត ដើម្បីតោងយកកៅអីមួយក្នុងចំណោម២នាក់ចុងក្រោយ ឆ្ពោះទៅយកខ្សែក្រវាត់ និងប្រាក់លាន ។
ការប្រកួតដែលកំណត់បញ្ចប់វគ្គសន្សំពិន្ទុរបស់បេក្ខភាពទាំង៦រូបនោះរួមមានគូទី១ កីឡាករសួង សុវណ្ណថា មកពីសមាគមកីឡាប្រដាល់ក្រសួងការពារជាតិ ប្រកួតជាមួយឃីម បូរ៉ា។ រវាងពីរនាក់នេះ សួង សុវណ្ណថា ធ្លាក់ដោយស្វ័យប្រវត្តិ ដោយសារ៤ប្រកួតកន្លងមកឈ្នះតែ១ប្រកួត និងមានតែ៦ពិន្ទុមិនអាចយកទៅផ្គូផ្គងជាមួយគូបដិបក្ខបាន ។ គូទី២ កីឡាករជ័យ វណ្ណៈ មកពីក្លិបឃ្លាំងមឿងកីឡា ប្រកួតជាមួយ ទិត្យ សុវណ្ណគិរី ។ ពីរនាក់នេះ ជ័យ វណ្ណៈ ទោះឈ្នះក៏ធ្លាក់ព្រោះទើបតែមាន៦ពិន្ទុនៅក្នុងដៃដូច សួង សុវណ្ណថា ប៉ុន្តែសម្រាប់ទិត្យ សុវណ្ណគីរី ដូចដែលបានលើកឡើងខាងលើ គឺបើឈ្នះមានសង្ឃឹមអ៊ុត ប្រសិនបើ ម៉ន សាម៉េត ភ្លាត់ឱ្យចាញ់ ។
គូទី៣ ជាការប្រកួតរវាងកីឡាករម៉ន សាម៉េត និង កីឡាករឆាំ រ៉ែម មកពីក្លិបគជសារកីឡា។
ពីរនាក់នេះ ឆាំ រ៉ែម ត្រូវធ្លាក់ដោយស្វ័យប្រវត្តិ ឯ ម៉ន សាម៉េត បើឈ្នះនឹងបានឡើងដោយស្វ័យប្រវត្តិ ទើបគេត្រូវឈ្នះដាច់ខាតដើម្បីសង្គ្រុបលើ ទិត្យ សុវណ្ណគីរី ។ ម៉ន សាម៉េត ៤ប្រកួតឈ្នះ៣ប្រកួត ចាញ់១ប្រកួត មាន១០ពិន្ទុ ខណៈដែលបើលោកឈ្នះ ហើយឃីម បូរ៉ា ចាញ់គឺបានទទួលពិន្ទុលេខ១ ក្នុងការបូកពិន្ទុទៀតផង ។ ទោះបីយ៉ាងណា ក្ដីសង្ឃឹមគឺឃីម បូរ៉ា ម៉ន សាម៉េត និងទិត្យ សុវណ្ណគីរី នឹងមិនចាញ់បានទេ ដោយសារតែអ្នកទាំង៣ សុទ្ធតែមានស្នាដៃដូចគ្នា ។ ប្រសិនបើការព្យាករនេះកើតឡើងមានន័យថា ឃីម បូរ៉ា និងម៉ន សាម៉េត នឹងដឹកដៃគ្នាឡើងដើម្បីដណ្ដើមគ្នាយកខ្សែក្រវាត់ ទឹកប្រាក់៣ពាន់ដុល្លារ ប្រាក់ប្រចាំខែ និងការធានារ៉ាប់រងពេញមួយឆ្នាំពីក្រុមហ៊ុនស្រាបៀរកម្ពុជា ៕
ចែករំលែកព័តមាននេះ