បូ៉លិសកាណាដាបានបា.ញ់សម្លា.ប់ខ្មាន់កាំភ្លើងម្នាក់កាលពីថ្ងៃទី២២ តុលា ក្នុងសភានាទីក្រុងអូតាវ៉ា ហើយកំពុងតាមរកជនប្រដាប់អាវុធ២នាក់ទៀត បន្ទាប់ពីភ្នាក់ងារសន្តិសុខម្នាក់យាមនៅខាងក្រៅសភាត្រូវរបួសជាទម្ងន់២ថ្ងៃ បន្ទាប់ពីការធ្វើឃាតបែបភេរវកម្មនូវទាហានកាណាដាម្នាក់នៅកេបិចមក ។
បូ៉លិសកាណាដាបានបាញ់សម្លាប់ខ្មាន់កាំភ្លើងម្នាក់កាលពីថ្ងៃទី២២ តុលា ក្នុងសភានាទីក្រុងអូតាវ៉ា ហើយកំពុងតាមរកជនប្រដាប់អាវុធ២នាក់ទៀត បន្ទាប់ពីភ្នាក់ងារសន្តិសុខម្នាក់យាមនៅខាងក្រៅសភាត្រូវរបួសជាទម្ងន់២ថ្ងៃ បន្ទាប់ពីការធ្វើឃាតបែបភេរវកម្មនូវទាហានកាណាដាម្នាក់នៅកេបិចមក ។
ភាគកណ្តាលក្រុងអូតាវ៉ា រដ្ឋធានីសហព័ន្ធត្រូវឡោមព័ទ្ធទាំងស្រុងក្រោយម៉ោង១០ ម៉ោងក្នុងស្រុក បន្ទាប់ពីបុរសម្នាក់កាន់កាំភ្លើងបាញ់សត្វបាញ់ប្រហារលើទាហានម្នាក់ដែលនៅយាមខាងមុខវិមានយុទ្ធជនពលីស្ថិតនៅក្បែរសភាមក។ ត្រូវរបួសជាទម្ងន់ទាហានរូបនោះត្រូវស្លាប់ពេលបញ្ជូនទៅមន្ទីរពេទ្យ ។ ភ្លាមៗសមាជិកកុំម៉ង់ដូប្រដាប់ដោយអាវុធជាច្រើនសិបនាក់ត្រូវបានបញ្ជូនមកកាន់កណ្តាលក្រុងអូតាវ៉ា ដែលការបាញ់ប្រហារត្រូវបានរាយការណ៍នៅកន្លែង៣ផ្សេងគ្នា គឺនៅវិមានយុទ្ធជនពលី នៅសភា ព្រមទាំងនៅច្រកចូលមជ្ឈមណ្ឌលពាណិជ្ជកម្មមួយ ។ យោងតាមប៉ូលិសថា ការវាយប្រហារគឺដោយមនុស្សម្នាក់ ហើយអាចរហូតដល់៣នាក់ ។
យោងតាមសាក្សីទាំងឡាយថា ពួកខ្មាន់កាំភ្លើងដំបូងបានបាញ់លើភ្នាក់ងារម្នាក់ក្នុងចំណោមភ្នាក់ងារ២នាក់ដែលយាមនៅមុខវិមានយុទ្ធជនពលី មុនពេលដណ្តើមយករថយន្តផ្លូវការមួយគ្រឿងជិះរហូតដល់មាត់ទ្វារសភា ។ បន្ទាប់មកពួកគេលុកចូលខាងក្នុងអគារកណ្តាលរបស់សភា ជាកន្លែងសម្រាប់បណ្តាសមាជិកសភា និងបណ្តាសមាជិកព្រឹទ្ធសភាធ្វើការ ។ បន្តិចក្រោយមកឮស្នូរផ្ទុះយ៉ាងខ្លាំងមួយ ហើយមានការបាញ់ប្រហាររបស់ប៉ូលិស ។ អ្នកកាសែតម្នាក់របស់កាសែត GLOBE AND MAIL ដែលមានវត្តមានក្នុងបរិវេណសភាបានថតវីដេអូមួយជាមួយទូរស័ព្ទដៃរបស់គេ ។
លោក MARC-ANDRE និយោជិតម្នាក់របស់សភាកាណាដារៀបរាប់ប្រាប់ AFP ថា បុរសម្នាក់បានរត់ចូលក្នុងសភា ហើយដេញតាមដោយកងបូ៉លិសប្រដាប់អាវុធដែលស្រែកប្រាប់មនុស្សម្នាឱ្យរកកន្លែងពួន ។ នាថ្ងៃទី២២ តុលានោះ បណ្តាមូលដ្ឋានយោធាកាណាដាត្រូវបិទទ្វារ ហើយកងទាហានទទួលបញ្ជាឱ្យស្ថិតនៅក្នុងបន្ទាយ ។ អាជ្ញាធរកាណាដា កាលពីថ្ងៃទី២១ តុលា បានបង្កើនកម្រិតប្រកាសអាសន្ន ភេរវកម្មជាលើកដំបូងចាប់តាំងពីឆ្នាំ២០១០ មក ។ ការសម្រេចចិត្តនេះធ្វើឡើងបន្ទាប់ពីការសម្លាប់ទាហានម្នាក់នៅ SAINT-JEAN-SUR-RIUAELIEU ឯកេបិក ដោយសារស្នាដៃរបស់យុវជនអាយុ២៥ឆ្នាំម្នាក់ ដែលបន្ទាប់មកត្រូវប៉ូលិសបាញ់ស្លាប់។ សកម្មភាពនោះត្រូវបានរដ្ឋាភិបាលកាណាដាចាត់ទុកថា ជាអំពើភេរវកម្ម ។ ការវាយប្រហារនោះ ក៏ជាលើកដំបូងដែរទាក់ទិនដល់លទ្ធិអ៊ិស្លាមនិយមជ្រុលនៃប្រវត្តិសាស្ត្ររបស់កាណាដា ៕
ចែករំលែកព័តមាននេះ