នៅក្នុងអំឡុងពេលដែលរថយន្តជាប់ផុងក្នុងភក់បើកទៅមុខមិនរួចស្របពេលដែលអ្នកធ្វើដំណើរតែម្នាក់ឯងនោះវាគឺជារឿងលំបាកបំផុតប្រសិនជាលោកអ្នកមិនបានយល់ដឹងខ្លះៗអំពីរបៀបរបបអូសឬទាញរថយន្តឱ្យផុតពីឧប្បត្តិហេតុនោះបាន ។ តែបើអ្នកបើកបរបានយល់ដឹងពីបច្ចេកទេសគន្លឹះក្នុងដំណោះស្រាយនោះវិញគឺត្រឹមតែមនុស្សម្នាក់ប៉ុណ្ណោះក៏អាចគ្រប់គ្រាន់នឹងរំដោះរថយន្តចេញផុតពីស្ថានការណ៍បានដែរ។ ពោលគឺអនុវត្តតាមការប្រើខ្សែចងភ្ជាប់នឹងដើមឈើឬសសរបង្គោលណាមួយដែលមាននៅក្បែរនោះ ចំណែកវិធីសាស្ត្រ ក្នុងការប្រតិបត្តិជាក់ស្ដែងចូរក្រឡេកមើលសេចក្ដីណែនាំដូចខាងក្រោម៖
១-ចងរឹតខ្សែដែលអ្នកប្រើនោះថ្ពក់ជាប់នឹងរថយន្តដោយគួចវាដែលអាចរូត ឬទាញបន្ដឹងបាន ។ កុំព្យាយាមចងខ្សែនោះដោយផ្ទាល់នឹងកាងមុខឱ្យសោះគឺជ្រើសយកកន្លែងដែលមានទម្ពក់ ឬផ្នែករឹងមាំនៃតួគ្រោងខាងមុខជាគោល ។
២-ឆ្វាយខ្សែចងប្រហែល១,២ម៉ែត្រគិតចេញពីចំណុចកោងមុខនិងអនុវត្តការចងតាមចំណុចទី១ ឬចងគួចមុខតំណរាងលេខ៨នៅចំណុចនៃពាក់កណ្ដាលដើមឈើនិងរថយន្តដើម្បីជាកម្លាំងបង្ការឥទ្ធិពលនៃទំនាញរហូតបណ្ដាលឱ្យដាច់ខ្សែ និងការប្រមូលកម្លាំងទាញមិនបានខ្លាំងល្អដែលអាចដាច់ខ្សែក៏ថាបាន ។
៣-វ័ណ្ឌចុងខ្សែជុំវិញគល់ឈើឬសសរបង្គោលដែលអ្នកពឹងផ្អែកជាជំនួយនោះ ។
៤-ស៊កកួចកន្ទុយខ្សែតាមចំណុចដែលអ្នកបានឆ្វាយនៅកន្លាក់មុនហើយរឹតបន្ដឹងឱ្យជាប់។
៥-កញ្ឆក់កន្ទុយខ្សែដែលនៅសេសសល់ហើយចាប់ផ្ដើមទាញក្នុងពេលការបំលាស់ទីរបស់រថយន្តមិនទាន់បញ្ឈប់សកម្មភាពនៅឡើយ។ ដើម្បីឱ្យកាន់តែទុកចិត្តបាននោះគឺដៃរបស់អ្នកត្រូវក្ដាប់ច្បាមចាប់ខ្សែឱ្យជាប់ហើយបន្ទន់ខ្លួនទៅក្រោយទើបជាការប្រសើរ ។ ជាមួយគ្នានោះដែរអ្នកត្រូវខំប្រឹងយឹតឱ្យអស់កម្លាំងកាយចិត្តគួបផ្សំជាមួយនឹងអានុភាពនៃកម្លាំងម៉ាសីុនរថយន្តរបស់អ្នកដែលបញ្ចូលលេខប្រឹងបំលាស់ទីចេញឱ្យផុតពីចំណុចនោះ ៕
ចែករំលែកព័តមាននេះ