ខេត្តកំពង់ឆ្នាំង ៖ តុលាការខេត្តកំពង់ឆ្នាំងបានសម្រចឃុំខ្លួនជនសង្ស័យម្នាក់ កាលពីរសៀល ថ្ងៃទី២២ ខែតុលា ឆ្នាំ២០១៤នេះ ដោយចោទប្រកាន់ពីបទចែកចាយថ្នាំញៀន ដែលបានប្រព្រឹត្តឡើងកាលពីវេលា ម៉ោង៤និង១៥នាទីល្ងាច ថ្ងៃទី២១ ខែតុលា ឆ្នាំ២០១៤ ចំណុចផ្លូវបំបែកក្រោយវត្តក្តីត្នោត ស្ថិតក្នុង ភូមិចំការតាម៉ៅ
ខេត្តកំពង់ឆ្នាំង ៖ តុលាការខេត្តកំពង់ឆ្នាំងបានសម្រចឃុំខ្លួនជនសង្ស័យម្នាក់ កាលពីរសៀល ថ្ងៃទី២២ ខែតុលា ឆ្នាំ២០១៤នេះ ដោយចោទប្រកាន់ពីបទចែកចាយថ្នាំញៀន ដែលបានប្រព្រឹត្តឡើងកាលពីវេលា ម៉ោង៤និង១៥នាទីល្ងាច ថ្ងៃទី២១ ខែតុលា ឆ្នាំ២០១៤ ចំណុចផ្លូវបំបែកក្រោយវត្តក្តីត្នោត ស្ថិតក្នុង ភូមិចំការតាម៉ៅ ឃុំស្រែថ្មី ស្រុករលាប្អៀរ ។
លោកស្រី មាស សុម៉ាលី នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តបាននិយាយឱ្យដឹងថា យុវជនដែលជាអ្នកចែកចាយថ្នាំញៀនដ៍សកម្មនៅក្នុងក្រុងកំពង់ឆ្នាំង ត្រូវបានបញ្ជូនទៅតុលាការខាងលើនេះមានឈ្មោះ លីម ម៉េងហួរ អាយុ២១ឆ្នាំ រស់នៅ ភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង មុខរបរជាសិស្សសាលា ។
មុនពេលកើតហេតុសមត្ថកិច្ចបានតាមដានមុខសញ្ញានេះយ៉ាងប្រកិតៗ ដែលមុនពេលចាប់ខ្លួន គេបានជិះម៉ូតូម៉ាកអាយខុន ពណ៌សក្រហម ពាក់ស្លាកលេខ កំពង់ឆ្នាំង 1C-0023 យកថ្នាំញៀនទៅលក់ ចែកចាយឱ្យម៉ូយរបស់គេនៅចំណុចខាងលើ ពេលនោះសមត្ថកិច្ចបានតាមដានពីក្រោយក៍បាន ស្ទាក់ចាប់ខ្លួនគេបានខណៈគេដែលផ្តួលម៉ូតូទៅដីបំរុងរត់ ។ ក្រោយការឃាត់ខ្លួន បានរកឃើញថ្នាំញៀន ប្រភេទម៉ាទឹកកក ដែលគេទម្លាក់ចោលក្បែម៉ូតូ ហើយសមត្ថកិច្ចបានដកហូតបានវត្ថុតាងរួមមានម៉ូតូ១គ្រឿងថ្នាំញៀនម៉ាទឹកកក១កញ្ចប់តូច កាំបិតចុងស្រួច២ ទូរស័ព្ទដៃ១គ្រឿង កាតសិស្ស១ និងកាបូប១។
នៅចំពោះមុខសមត្ថកិច្ច ជនសង្ស័យខាងលើនេះ បានទទួលស្គាល់វត្ថុតាងទាំងអស់ ដោយឡែក ថ្នាំញៀនម៉ាទឹកកកមួយកញ្ចប់តូចនោះ គេបានបដិសេធថាមិនមែនជារបស់គេទេ។ ប៉ុន្តែសមត្ថកិច្ច បានអះអាងថាបានរកឃើញនៅលើស្មៅក្រោមម៉ូតូដែលគេបោះចោលក្នុងពេលផ្តួលម៉ូតូពេលដែលសមត្ថកិច្ចចាប់ខ្លួន។ជនល្មើសខាងលើនេះមិនព្រមផ្តិតមេដៃនៅក្នុងសំណុំរឿងបទល្មើសចែកចាយគ្រឿងញៀននេះឡើយ ។ ហើយបើទោះបីយ៉ាងនេះក្តីជនល្មើសរួមនិងវត្ថុតាង ត្រូវបានសមត្ថកិច្ច កសាងសំណុំរឿងតាមនីតិវិធី បញ្ជូនខ្លួនទៅកាន់សាលាដំបូងខេត្តតាមផ្លូវច្បាប់ដែរ។
ចែករំលែកព័តមាននេះ