រាជធានីភ្នំពេញ ៖ បុរសម្នាក់បើករថយន្តកាមរីបាឡែនមួយគ្រឿងឡើងលើរនាំងថ្មចែកទ្រូងផ្លូវបណ្តាលឱ្យគល់ជាប់ជាប់ទៅមុខលែងរួចតែអ្នកបើកបរមិនមានរងគ្រោះថ្នាក់នោះទេ ។ ហេតុការណ៍នេះកើតឡើងកាលពីវេលាម៉ោង ១០ និង១០ នាទីយប់ ថ្ងៃទី២២ តុលា ២០១៤ នៅចំណុចក្បែរស្ថានទូតចិន តាមផ្លូវម៉ៅសេទុង
រាជធានីភ្នំពេញ ៖ បុរសម្នាក់បើករថយន្តកាមរីបាឡែនមួយគ្រឿងឡើងលើរនាំងថ្មចែកទ្រូងផ្លូវបណ្តាលឱ្យកល់ជាប់ទៅមុខលែងរួចតែអ្នកបើកបរមិនមានរងគ្រោះថ្នាក់នោះទេ ។ ហេតុការណ៍នេះកើតឡើងកាលពីវេលាម៉ោង ១០ និង១០ នាទីយប់ ថ្ងៃទី២២ តុលា ២០១៤ នៅចំណុចក្បែរស្ថានទូតចិន តាមផ្លូវម៉ៅសេទុង កែងនិងផ្លូវលេខ១៧៣ ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីបាឡែន ពណ៌ស មួយគ្រឿង ពាក់ស្លាកលេខភ្នំពេញ2Q-1061 បើកដោយបុរសម្នាក ធ្វើដំណើរយ៉ាងលឿនតាមផ្លូវ ម៉ៅសេទុង ក្នុងទិសដៅពីត្បូង ទៅជើង ខណៈមកដល់ចំណុចកើតហេតុ រថយន្តបានបើកបត់ឆ្លងទៅផ្លូវ លេខ១៧៣ ដោយអ្នកបើកបរមិនបានពិនិត្យច្បាស់លាស់នោះទេ ព្រោះសំអាងថាផ្លូវធ្លាប់បើកកាត់ ។ ពេលបើកឆ្លងទៅក៏ស្រាប់តែរថយន្តបានបើកបុកឡើងលើរបាំងថ្មចែកទ្រូងផ្លូវដែលគេបានយកមកដាក់ បណ្តាលឱ្យរថយន្តកល់ជាប់ពីលើរបាំងថ្ម បើកទៅមុខលែងរួច តែសំណាងល្អអ្នកបើកបរមិនមានគ្រោះថ្នាក់ ។
ក្រោយពេលកើតហេតុសមត្ថកិច្ចបានយករថយន្តខាងលើទៅកាន់ការិយាល័យចរាចរផ្លូវគោក នៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នាតាមផ្លូវច្បាប់ ។
ចែករំលែកព័តមាននេះ