ខេត្តរតនគិរី ៖ រយៈពេលប៉ុន្មាន២ថ្ងៃកន្លងមកនេះគេសង្តេតឃើញនៅចំណតរថយន្ត និង កន្លែងផ្ញើររថយន្តមានសភាពរញ៉េរញ៉ៃ ខាងមុខផ្សារក្រុងបានលុង ដោយអាជ្ញារធរនគរបាលក្រុងបញ្ជាប៉ូលិសសណ្តាប់ធ្នាប់ ខេត្ត-ក្រុង មកដេញរថយន្តមកដឹកមនុស្ស សម្ភារ និងបន្លែបន្តិចបន្តួចមកពីតាមស្រុក យកមកលក់នៅក្នុង
ខេត្តរតនគិរី ៖ រយៈពេលប៉ុន្មាន២ថ្ងៃកន្លងមកនេះគេសង្គេតឃើញនៅចំណតរថយន្ត និង កន្លែងផ្ញើររថយន្តមានសភាពរញ៉េរញ៉ៃ ខាងមុខផ្សារក្រុងបានលុង ដោយអាជ្ញារធរនគរបាលក្រុងបញ្ជាប៉ូលិសសណ្តាប់ធ្នាប់ ខេត្ត-ក្រុង មកដេញរថយន្តមកដឹកមនុស្ស សម្ភារ និងបន្លែបន្តិចបន្តួចមកពីតាមស្រុក យកមកលក់នៅក្នុងផ្សារក្រុងបានលុង មិនឱ្យចូលចតក្នុងចំណតរថយន្តទេ ។
ទាក់ទិនទៅនឹងករណីខាងលើនេះត្រូវបានលោក អ៊ុក សំអុល អភិបាលក្រុងបានលុងប្រាប់ឱ្យដឹងថា ក្នុងករណីដែលអាជ្ញាធរក្រុងបញ្ជាឱ្យប៉ូលិសសណ្តាប់ធ្នាប់ ដេញរថយន្តដែលបើកមកពីបណ្តាស្រុកនោះគឺមូលហេតុដេញតែរថយន្តឈ្នួលតែប៉ុណ្ណោះ ។ ដោយឡែកអ្នកដែលទទួលបានសិទ្ធយកភាស៊ីផ្សារពីអាជីវករលក់ដូរបានប្រាប់ឱ្យដឹងថា មិនគួរណាអាជ្ញាធរក្រុងឱ្យប៉ូលិសដេញរថយន្តមកពីស្រុកមិនឱ្យចូលចំណតដោយមិនបានជូនដំណឹងទៅថៅកែភាស៊ីផ្សារនោះទេ ព្រោះធ្វើដូច្នេះវាប៉ះពាល់ទៅដល់សតិអារម្មណ៍ ប្រជាពលរដ្ឋដែលដឹកបន្លែ និងមនុស្សមកពីបណ្តាបស្រុក នានាជុំវិញខេត្ត ។ ថៅកែភាស៊ីបានបន្តទៀតថា គេដេញរថយន្តដែលធ្លាប់ចតពីមុនទាំងប៉ុន្មាន ឱ្យទៅចតនៅចំណតរថយន្តរបស់លោក តែ សេង ដែលមានចម្ងាយមួយគីឡូម៉េត្រពីផ្សារក្រុងបានលុង ។
ថៅកែភាស៊ីផ្សារក្រុងបានលុងក៏បានឱ្យដឹងបន្តទៀតថា ដោយផ្អែកទៅតាមចំណារបស់សម្តេច តេជោ ហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា ដែលចុះថ្ងៃទី ២១ តុលា ឆ្នាំ២០១០ ដោយថៅកែភាស៊ីទុកដីទីធ្លានេះសម្រាប់បំរើផលប្រយោជន៍ សារធារណៈ សម្រាប់ជាចំណតដល់ភ្ញៀវជាតិ អន្តរជាតិចូលចត និងរក្សាបានសោភ័ណភាណ និង បរិស្ថានល្អ និង សន្តិសុខសណ្តាប់ធ្នាប់ល្អ ប៉ុន្តែមកដល់ពេលនេះគឺមានសភាពរញ៉េរញ៉ៃ ចំណែកប្រជាពលរដ្ឋដែលមានសម្ភារ ដូចជាបន្លែ ផ្លែឈើបន្តិចបន្តួចមកពីតាមបណ្តាស្រុកបាននិយាយត្អូញត្អែរថាប្រសិនជាអាជ្ញាធរ ក្រុង និងថៅកែ ភាស៊ី មិនធ្វើការសម្របសម្រួលគ្នានោះទេ អ្នកដែលរងគ្រោះគឺប្រជាពលរដ្ឋក្រីក្រ ដោយពួកគាត់ត្រូវចំណាយលុយទៅលើម៉ូតូឌុប ចំនួន៤ពាន់រៀល ដឹកបន្លែបន្តិច បន្តួចរបស់គាត់មកពីចំណតរថយន្តរបស់លោក តែ សេងដែលមានចម្ងាយ១ីឡូម៉ែត្រ ពីផ្សារបានលុង ។
ប្រជាពលរដ្ឋបានសំណូមពរឱ្យអាជ្ញាធរធ្វើការសម្របសម្រួលគ្នាឱ្យបានឆាប់ ។ ដោយឡែករថយន្តឈ្នួលប្រភេទរថយន្តទួរីសម៉ាកសាំយ៉ុង បានធ្វើការចាប់ម៉ូយនៅមុខផ្ទះសំណាក់ ហេង សម្បត្តិឯនោះវិញទេ គឺមិនបានមកចាប់ម៉ូយនៅចំណតរថយន្ត ផ្សារក្រុងបានលុងទេ ។ ក្នុងនោះដែរអាជ្ញាធរក្រុងបានដេញរថយន្តទាំងអស់ដែលចតនៅចំណតរថយន្តផ្សារក្រុងបានលុងឱ្យទៅចតនៅចំណតរថយន្តរបស់លោក តែ សេង ដែលមានចម្ងាយមួយគីឡូម៉ែត្រ ពីផ្សារក្រុងបានលុងទៅវិញ ដែលធ្វើឱ្យលំបាកសម្រាប់ប្រជាពលរដ្ឋក្រីក្រ ត្រូវចំណាយលុយកាក់ ជិះម៉ូតូឌុបបន្តមកកាន់ផ្សារក្រុងបានលុង ។
ចែករំលែកព័តមាននេះ