រាជធានីភ្នំពេញ ៖ បុរសជនបរទេសម្នាក់ត្រូវតៃកុងរថយន្តរបស់ខ្លួនដែលចូលធ្វើការទើបបានរយៈពេល៣ ថ្ងៃលួចយករថយន្តជិះគេចខ្លួនបាត់ស្រមោល ខណៈបុរសបរទេសដែលជាម្ចាស់រថយន្តចូលទៅក្នុងស្ថានទូតអួស្រា្តលីបានមួយភ្លែត ។ ហេតុការណ៍នេះកើតឡើងកាលពីវេលាម៉ោង ៣ និង១៥នាទីល្ងាច ថ្ងៃទី២២ តុលា ២០១៤ នៅស្ថិតក្នុងភូមិសាស្រ្ត សង្កាត់ទន្លេបាសាក់ ខណ្ឌចំការមន ។
ជនសង្ស័យខាងលើត្រូវបានគេស្គាល់ឈ្មោះ ប៊ុន ម៉េង ភេទប្រុស អាយុ៣0ឆ្នាំ ហើយរថយន្តដែលជនសង្ស័យលួចយកទៅនោះ ម៉ាក BMW ពណ៌ទឹកប្រាក់ ពាក់ស្លាកលេខភ្នំពេញ2AG-2727 ហើយក្នុងរថយន្តមានទូរស័ព្ទសាំសុងកាឡាក់ស៊ី មួយគ្រឿង និង លុយមួយចំនួន។
ប្រភពព័ត៌មានបានឱ្យដឹងថា នៅមុនពេលកើតហេតុនោះជនបរទេសដែលរងគ្រោះ បានឱ្យតៃកុងរថយន្តរបស់ខ្លួនដែលទើបចូលធ្វើការបាន៣ថ្ងៃ បើករថយន្តជូនទៅស្ថានទូតអូស្រ្តាលី ខណៈមកដល់មុខស្ថានទូតបុរសបរទេសក៍ដើរចូលទៅក្នុងស្ថានទូតខាងលើ ប្រហែល៥នាទី ក៏ចេញមកវិញ បាត់ទាំងរថយន្ត និង តៃកុងមិនឃើញបង្កភ្ញាក់ផ្អើលតែម្តង ។
មកដល់វេលាងល្ងាចថ្ងៃដដែលក៏មានតំណាងម្ចាស់រថយន្តម្នាក់ មកដាក់ពាក្យបណ្តឹងនៅអធិការដ្ឋានគរបាលខណ្ឌចំការមន ដើម្បីឱ្យសមត្ថកិច្ចជួយស្វែងរករថយន្តឱ្យ ។
ចែករំលែកព័តមាននេះ