ខេត្តកំពង់ចាម ៖ បន្ទាប់ពីអាជ្ញាធរខេត្តយកគ្រឿងចក្រទៅកាយសំណង់អគារចាស់កំពង់ផែដែលមានស្នាមប្រេះទ្រេតស្ទើរតែរលំនោះ រហូតមកដល់រសៀលថ្ងៃទី២២ តុលា ២០១៤ នេះត្រង់ចំណុចមុខសណ្ឋាគារមេគង្គ ស្ថិតសង្កាត់កំពង់ចាម ក្រុងកំពង់ចាម មិនឃើញមានបាក់ស្រុតបន្ថែមទៀតនោះទេ ហាក់បីដូចជានៅទ្រឹងដដែល ដោយសារតែស្រាលមិនមានទម្ងន់សង្កត់ចុះទៅផ្នែកខាងក្រោម ។
ខេត្តកំពង់ចាម ៖ បន្ទាប់ពីអាជ្ញាធរខេត្តយកគ្រឿងចក្រទៅកាយសំណង់អគារចាស់កំពង់ផែដែលមានស្នាមប្រេះទ្រេតស្ទើរតែរលំនោះ រហូតមកដល់រសៀលថ្ងៃទី២២ តុលា ២០១៤ នេះត្រង់ចំណុចមុខសណ្ឋាគារមេគង្គ ស្ថិតសង្កាត់កំពង់ចាម ក្រុងកំពង់ចាម មិនឃើញមានបាក់ស្រុតបន្ថែមទៀតនោះទេ ហាក់បីដូចជានៅទ្រឹងដដែល ដោយសារតែស្រាលមិនមានទម្ងន់សង្កត់ចុះទៅផ្នែកខាងក្រោម ។
លោកលន់ លឹមថៃ អភិបាលខេត្តមានប្រសាសន៍ឲ្យដឹងថា រូបលោកមានក្តីព្រួយបារម្ភជាខ្លាំងនៅពេលណាដែលមានភ្លៀងខ្យល់បង្អុរចុះមកនោះនឹងធ្វើឲ្យដីច្រាំងទន្លេត្រង់មុខសណ្ឋាគារមេគង្គត្រូវស្រុតបន្ថែមទៀត ដោយមានទាំងសំណង់អគារកំពង់ផែចាស់១ល្វែង ត្រូវបានប្រេះកាន់តែខ្លាំងឡើងៗជាហេតុបង្ខំចិត្តត្រូវប្រើគ្រឿងចក្ររុញផ្តួលចោលដើម្បីឱ្យស្រាលជៀសវាងស្រុតដីកាន់តែជ្រៅ ។
លោកលន់ លឹមថៃ អភិបាលខេត្តបានមានប្រសាសន៍បន្តថា ក្នុងពេលដែលមានបាតុភាពបាក់ច្រាំងទន្លេមេគង្គខាងលើនេះ ស្ថាប័នជំនាញបានចុះមកសិក្សាជាបន្ទាន់ ក្នុងនោះលោករដ្ឋលេខាធិការក្រសួងធនធានទឹក និងឧតុនិយមបានធ្វើលិខិតមួយទៅលោករដ្ឋមន្ត្រីលឹម គានហោ ក្រសួងធនធានទឹកដែលជាកិច្ចការបន្ទាន់បំផុតមួយ ប៉ុន្តែរហូតមកដល់ពេលនេះនៅមិនទាន់បានទទួលការឆ្លើយតបណាមួយនៅឡើយទេ ។
នៅពេលដែលមានភ្លៀងធ្លាក់មកម្តងៗនឹងធ្វើឲ្យដីច្រាំងទន្លេត្រង់ចំណុចមុខសណ្ឋាគារមេគង្គត្រូវបានបាក់ស្រុតចុះទៅក្រោមបន្ថែមទៀត ទាំងនេះជាកិច្ចការហួសពីសមត្ថភាពរបស់អាជ្ញាធរខេត្ត មធ្យោបាយតែមួយ គឺក្រសួងធនធានទឹកអាចយកសាឡង់មកប្រើបុកទប់ច្រាំងកុំឲ្យបាក់បន្តទៀត ចំពោះការសិក្សាបច្ចេកទេសពីផលប៉ះពាល់ផ្លូវទឹកទន្លេ នឹងធ្វើតាមក្រោយទៀតក៏មិនហួសពេលដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ