ក្រសួងការបរទេសអាមេរិករាយការណ៍កាលពីថ្ងៃទី២១ តុលា ថា ប្រទេសវៀតណាមបានដោះលែងជនប្រឆាំងម្នាក់ គឺអ្នកសរសេរ Blog ដ៏ល្បីល្បាញលោក DIEU CAY ដែលលោកបានទៅដល់សហរដ្ឋអាមេរិករួចហើយ ។ លោក DIEU CAY ជាឈ្មោះដែលប្រធានាធិបតីអាមេរិកលោកបារ៉ាក់ អូបាម៉ា ហៅដោយឈ្មោះពិតរបស់លោក គឺង្វៀន វ៉ាន់ហៃ នោះបានជ្រើសរើសទៅរស់នៅ
ក្រសួងការបរទេសអាមេរិករាយការណ៍កាលពីថ្ងៃទី២១ តុលា ថា ប្រទេសវៀតណាមបានដោះលែងជនប្រឆាំងម្នាក់ គឺអ្នកសរសេរ Blog ដ៏ល្បីល្បាញលោក DIEU CAY ដែលលោកបានទៅដល់សហរដ្ឋអាមេរិករួចហើយ ។ លោក DIEU CAY ជាឈ្មោះដែលប្រធានាធិបតីអាមេរិកលោកបារ៉ាក់ អូបាម៉ា ហៅដោយឈ្មោះពិតរបស់លោក គឺង្វៀន វ៉ាន់ហៃ នោះបានជ្រើសរើសទៅរស់នៅសហរដ្ឋអាមេរិក រួចលោកបានទៅដល់រួចហើយ ។
លោកត្រូវបានតុលាការវៀតណាមមួយកាត់ទោសដាក់គុក១២ឆ្នាំកាលពីកញ្ញា ឆ្នាំ២០១២ ពីបទធ្វើការឃោសនាប្រឆាំងរដ្ឋតាមរយៈ BLOG របស់លោក ។ អ្នកសរសេរ BLOG ២នាក់ទៀត ក៏ត្រូវកាត់ទោសម្នាក់ដាក់គុក១០ឆ្នាំ និងម្នាក់ទៀតដាក់គុក៤ឆ្នាំ ។
ក្នុងសន្និសីទសារព័ត៌មានមួយអ្នកនាំពាក្យរងក្រសួងការបរទេសអាមេរិក លោកស្រី MARIE HARF ថ្លែងថា យើងអបអរសាទរចំពោះការសម្រេចចិត្តរបស់អាជ្ញាធរវៀតណាមដោះលែងអ្នកទោសនយោបាយរូបនេះ ។
អតីតភរិយារបស់ជននេះ លោកស្រី DUONG THI TAN និយាយប្រាប់វិទ្យុអាស៊ីសេរីថា អាជ្ញាធរវៀតណាមពុំបានផ្តល់ការជ្រើសរើសសម្រាប់លោកហៃទេ ។ លោកត្រូវគេនាំចេញពីគុកឆ្ពោះទៅកាន់ព្រលានយន្តហោះតែម្តង ហើយឱ្យឡើងជិះលើយន្តហោះមួយដែលហោះហើរទៅកាន់សហរដ្ឋអាមេរិក ។
លោកង្វៀន វ៉ានហៃ ដែលបានធ្វើកូដកម្មអត់អាហារ២លើកប្រឆាំងការឃុំឃាំងរូបលោក ត្រូវគេចាប់ឃុំឃាំងចាប់តាំងពីខែកញ្ញា ឆ្នាំ២០០៨ មក ។ សម័យកាលនោះលោកត្រូវកាត់ទោសដាក់គុក២ឆ្នាំកន្លះពីបទបន្លំពន្ធ ។ការដោះលែងលោក DIEU CAY ធ្វើឡើងបុ៉ន្មានសប្តាហ៍ក្រោយការលុបចោលមួយផ្នែកនៃការហ៊ុមព័ទ្ធរយៈពេល៤០ឆ្នាំមកហើយនូវការលក់អាវុធរបស់អាមេរិកដល់វៀតណាម ដោយសារតែមានការកែលម្អមួយផ្នែកនៃសិទ្ធិមនុស្សក្នុងប្រទេសនេះ ៕
ចែករំលែកព័តមាននេះ