ហ្សេរុយសាឡិម ៖ ការិយាល័យស្ថិតិកណ្ដាលផ្សាយថា វិស័យសេដ្ឋកិច្ចរបស់ប្រទេសអីុស្រាអែលនឹងកើនឡើងត្រឹមតែ២,២%ប៉ុណ្ណោះសម្រាប់ឆ្នាំនេះ បន្ទាប់ពីកំណើនកាលពីឆ្នាំទៅ៣,២%និងឆ្នាំ២០១២មានអត្រា៣% ។ ក្នុងនោះផលិតផលក្នុងស្រុកសរុបសម្រាប់មនុស្សម្នាក់(GDP)នឹងមានចំនួន៣៥.២៣០ដុល្លារក្នុងឆ្នាំនេះនៅក្នុងអត្រាហាងឆេងបច្ចុប្បន្ន។
ហ្សេរុយសាឡិម ៖ ការិយាល័យស្ថិតិកណ្ដាលផ្សាយថា វិស័យសេដ្ឋកិច្ចរបស់ប្រទេសអីុស្រាអែលនឹងកើនឡើងត្រឹមតែ២,២%ប៉ុណ្ណោះសម្រាប់ឆ្នាំនេះ បន្ទាប់ពីកំណើនកាលពីឆ្នាំទៅ៣,២%និងឆ្នាំ២០១២មានអត្រា៣% ។ ក្នុងនោះផលិតផលក្នុងស្រុកសរុបសម្រាប់មនុស្សម្នាក់(GDP)នឹងមានចំនួន៣៥.២៣០ដុល្លារក្នុងឆ្នាំនេះនៅក្នុងអត្រាហាងឆេងបច្ចុប្បន្ន។
ផ្អែកតាមការព្យាករជាបឋម ការនាំចូលទំនិញនិងសេវាកម្មនឹងកើនឡើង២,៧%ក្នុងឆ្នាំ២០១៤ ដូច្នេះប្រភពនៃមុខទំនិញនាំចូលទាំងអស់នេះនឹងអាចប្រើប្រាស់ជាប្រយោជន៍ដល់សេដ្ឋកិច្ចដែលនាំមកពីទិន្នផលនិងការនាំចូលខ្លះៗនឹងកើន២,៣% ធៀបនឹងឆ្នាំ២០១៣ មានកម្រិត២,៤%និងឆ្នាំ២០១២ មាន២,៩% ។ ឯការបង្ហាញមុខទំនិញយ៉ាងល្អិតល្អន់នៃការប្រើប្រាស់ធនធានទាំងនាំចូលនិងមានស្រាប់ក្នុងស្រុកបានបង្ហាញឱ្យឃើញពីកំណើន៣,៤%នៅក្នុងការប្រើប្រាស់ក្នុងប្រទេស ។
ម្យ៉ាងទៀតការចំណាយសាធារណៈនឹងឆ្លុះបញ្ចាំងនូវការកើនឡើង៣,៧%ក្នុងឆ្នាំ២០១៤។ រីឯកំណើន១,២%នៅក្នុងការនាំចេញទំនិញនិងសេវាកម្មមិនរាប់បញ្ចូលត្បូងពេជ្រឡើយ ។ ដោយឡែកការវិនិយោគផ្នែកអចលនទ្រព្យធ្លាក់ចុះ០,៩% ធៀបនឹងកំណើន១,១% កាលពីឆ្នាំ២០១៣។ ការិយាល័យស្ថិតិកណ្ដាលបានវាយតម្លៃថាផលិតផលវិស័យឯកជននឹងកើនត្រឹមតែ១,៩%ប៉ុណ្ណោះឆ្នាំនេះ ខណៈឆ្នាំទៅកើន៣,៤%៕
ចែករំលែកព័តមាននេះ