រដ្ឋាភិបាលឌូបៃ ក្រោមការដឹកនាំរបស់លោក Sheikh Mohammed Bin Rashid Al Maktoum បានបង្ហាញក្រុមសង្គ្រោះបន្ទាន់ចល័តដោយប្រើរថយន្តល្បឿនលឿន«Lotus Fvora » ដើម្បីដោះស្រាយបញ្ហារ៉ាំរ៉ៃដែលក្រុមជួយសង្គ្រោះធ្វើដំណើរទៅកន្លែងកើតហេតុយឺតយ៉ាវហើយឥរិយាបថចុងក្រោយនេះតម្រូវឱ្យក្រុមសង្គ្រោះបន្ទាន់របស់ឌូបៃក្លាយជាអង្គភាពសង្គ្រោះបន្ទាន់លឿន
រដ្ឋាភិបាលឌូបៃ ក្រោមការដឹកនាំរបស់លោក Sheikh Mohammed Bin Rashid Al Maktoum បានបង្ហាញក្រុមសង្គ្រោះបន្ទាន់ចល័តដោយប្រើរថយន្តល្បឿនលឿន«Lotus Fvora » ដើម្បីដោះស្រាយបញ្ហារ៉ាំរ៉ៃដែលក្រុមជួយសង្គ្រោះធ្វើដំណើរទៅកន្លែងកើតហេតុយឺតយ៉ាវហើយឥរិយាបថចុងក្រោយនេះតម្រូវឱ្យក្រុមសង្គ្រោះបន្ទាន់របស់ឌូបៃក្លាយជាអង្គភាពសង្គ្រោះបន្ទាន់លឿនបំផុតនៅលើពិភពលោក ។
តាមរបាយការណ៍ពីក្រុងឌូបៃរបស់អេមីរ៉ាត អារ៉ាប់រួម បញ្ជាក់ថា អាជ្ញាធរក្រុងបានប្រកាសអនុញ្ញាតឱ្យប្រើប្រាស់សេវាអង្គភាពសង្គ្រោះបន្ទាន់ល្បឿនលឿនដោយរថយន្ត Lotus Evora របស់អង់គ្លេសអាចបើកបរក្នុងល្បឿនលឿនប្រហែល២៦១គីឡូម៉ែត្រក្នុងមួយម៉ោងធ្វើជារថយន្តប្រចាំអង្គភាពដើម្បីដោះស្រាយបញ្ហាការរអ៊ូរទាំរបស់អ្នកស្រុកដែលរិះគន់ថា រថយន្ត ពេទ្យក្រុងឌូបៃធ្វើដំណើរទៅកន្លែងកើតហេតុយឺតយ៉ាវ ។ មានការរំពឹងទុកថា រថយន្តដ៏ទំនើបនេះនឹងជួយក្រុមជួយសង្គ្រោះទៅដល់ចំណុចកើតហេតុបានក្នុងរយៈពេលត្រឹមតែពី៣ទៅ៤នាទីប៉ុណ្ណោះ ។
តាមរបាយការណ៍បញ្ជាក់ថា អាជ្ញាធរឌូបៃបានទិញរថយន្តខាងលើធ្វើការកែច្នៃជារថយន្តពេទ្យAmbulance មួយគ្រឿងថ្លៃ១៦០.០០០ដុល្លារ និងដាក់ឱ្យប្រើប្រាស់ជាផ្លូវការនៅដំណាច់ឆ្នាំ២០១៤ខាងមុខនេះ ប៉ុន្តែក្នុងរបាយការណ៍មិនបានបង្ហើបឱ្យដឹងថា ទិញប៉ុន្មានគ្រឿងនៅឡើយទេ ។ដំណាក់កាលដំបូងអាជ្ញាធរក្រុងត្រៀមហ្វឹកហាត់ពីការបើកបររថយន្តខាងលើដល់មន្ត្រីក្នុងអង្គភាពសង្គ្រោះបន្ទាន់ចំនួន៥០នាក់ដើម្បីឱ្យមន្ត្រីទាំងនោះមានលក្ខណៈជំនាញក្នុងការបើកបររថយន្តខាងលើ ៕
ចែករំលែកព័តមាននេះ