សហរដ្ឋអាមេរិកប្រកាសកាលពីថ្ងៃទី២១ តុលា ពីការដោះលែងលោក Jeffrey Powle ជាជនជាតិអាមេរិកម្នាក់ក្នុងចំណោមជនជាតិអាមេរិក៣នាក់ ដែលជាប់ឃុំឃាំងនៅកូរ៉េខាងជើង ។លោក Josh Earnest អ្នកនាំពាក្យសេតវិមានថ្លែងថា លោក Jeffrey Powle មានសុខភាពល្អ ហើយបច្ចុប្បន្នស្ថិតនៅកោះហ្គាមរបស់អាមេរិក ក្នុងមហាសមុទ្រប៉ាសុីហ្វិក ។ លោកត្រូវបានកូរ៉េខាង
សហរដ្ឋអាមេរិកប្រកាសកាលពីថ្ងៃទី២១ តុលា ពីការដោះលែងលោក Jeffrey Powle ជាជនជាតិអាមេរិកម្នាក់ក្នុងចំណោមជនជាតិអាមេរិក៣នាក់ ដែលជាប់ឃុំឃាំងនៅកូរ៉េខាងជើង ។លោក Josh Earnest អ្នកនាំពាក្យសេតវិមានថ្លែងថា លោក Jeffrey Powle មានសុខភាពល្អ ហើយបច្ចុប្បន្នស្ថិតនៅកោះហ្គាមរបស់អាមេរិក ក្នុងមហាសមុទ្រប៉ាសុីហ្វិក ។ លោកត្រូវបានកូរ៉េខាងជើងអនុញ្ញាតឱ្យចាកចេញពីប្រទេសនេះ ។ អ្នកនាំពាក្យរូបនេះ ភ្លាមៗបានអំពាវនាវឱ្យដោះលែងជនជាតិអាមេរិក២នាក់ទៀត ដែលនៅជាប់ឃុំឃាំងក្នុងប្រទេសកូរ៉េខាងជើង ។
អាយុ៥៦ឆ្នាំ អតីតអ្នកទោសរូបនេះត្រូវបានពិនិត្យសុខភាពដោយគ្រូពេទ្យម្នាក់ បន្ទាប់ពីការដោះលែង រួចហាក់ដូចជាមានសុខភាពល្អ ។ ក្រសួងការបរទេសអាមេរិកនិយាយថា លោក Jeffrey Powle ត្រូវបាននាំចេញពីក្រុងព្យុងយ៉ាងតាមយន្តហោះមួយគ្រឿងរបស់មន្ទីរប៉ង់តាហ្គោន មកចុះនៅកោះហ្គាម ។
លោកស្រី Marie Harf អ្នកនាំពាក្យរងក្រសួងការបរទេសអាមេរិក បានសម្តែងអំណរគុណចំពោះប្រទេសស៊ុយអែត ដែលតំណាងឱ្យផលប្រយោជន៍ការទូតអាមេរិក នៅកូរ៉េខាងជើង ដែលជួយឱ្យមានការដោះលែងអ្នកទោសជនជាតិអាមេរិករូបនោះ ។ អ្នកនាំពាក្យរូបនោះបន្តថា ចូលមកកូរ៉េខាងជើងកាលពីខែមេសា លោក Powle ទទួលការចោទប្រកាន់ថាបន្សល់ទុកគម្ពីរប៊ីបមួយក្បាល ក្នុងសណ្ឋាគារ ។
ប្រសិនបើនោះជាសេចក្តីសម្រេចចិត្តជាវិជ្ជមានមួយរបស់កូរ៉េខាងជើង យើងនៅតែផ្តោតលើការឃុំឃាំងលោក Kenneth Bae និងលោក Matthew Miller ហើយយើងអំពាវនាវជាថ្មីម្តងទៀត សូមឱ្យកូរ៉េខាងជើងដោះលែងពួកគេជាបន្ទាន់ ។ រដ្ឋាភិបាលអាមេរិកនឹងបន្តធ្វើការយ៉ាងសកម្មឱ្យមានការដោះលែងអ្នកទាំង២នោះ ៕
ចែករំលែកព័តមាននេះ