ខេត្តកណ្តាល ៖ ក្មេងប្រុសម្នាក់បានស្លា.ប់ក្រោយពេលបញ្ជូនដល់មន្ទីរពេទ្យ និង២នាក់ទៀតរងរបួសធ្ងន់ ដោយសារក្មេងទាំង៣នាក់នោះ បាននាំគ្នាជិះ និងរុញទ្វារដែករបងផ្ទះលេង ពេលមេឃមានភ្លៀងនិងខ្យល់ខ្លាំង ធ្វើឲ្យទ្វាររបងនោះរលំសង្កត់លើ កាលពីម៉ោង៣រសៀលថ្ងៃទី២១ តុលា ២០១៤ នៅភូមិក្តីកណ្តាល ឃុំសារិកាកែវ ស្រុកល្វាឯម ។
ខេត្តកណ្តាល ៖ ក្មេងប្រុសម្នាក់បានស្លាប់ក្រោយពេលបញ្ជូនដល់មន្ទីរពេទ្យ និង២នាក់ទៀតរងរបួសធ្ងន់ ដោយសារក្មេងទាំង៣នាក់នោះ បាននាំគ្នាជិះ និងរុញទ្វារដែករបងផ្ទះលេង ពេលមេឃមានភ្លៀងនិងខ្យល់ខ្លាំង ធ្វើឲ្យទ្វាររបងនោះរលំសង្កត់លើ កាលពីម៉ោង៣រសៀលថ្ងៃទី២១ តុលា ២០១៤ នៅភូមិក្តីកណ្តាល ឃុំសារិកាកែវ ស្រុកល្វាឯម ។
មន្ត្រីប៉ូលិសស្រុកល្វាឯម បានឲ្យដឹងថា ក្មេងប្រុសដែលស្លាប់មានឈ្មោះ ខុំ កុយ អាយុ៥ឆ្នាំ ។ ចំណែកក្មេងប្រុស ពីរនាក់ទៀត រងរបួសធ្ងន់ មានឈ្មោះ រិទ្ធិ ចាន់រតនៈ អាយុ៦ឆ្នាំ និងឈ្មោះ យាត សុភ័ក្រ អាយុ៤ឆ្នាំ មានទីលំនៅក្នុងភូមិឃុំកើតហេតុជាមួយគ្នា ។ ប្រភពដដែលបានឲ្យដឹងថា នៅពេលកើតហេតុខាងលើ មេឃកំពុងតែមានភ្លៀងខ្លាំង ក្មេងរងគ្រោះទាំង៣នាក់ខាងលើ បាននាំគ្នាទៅជិះ និងរុញទ្វាររបងផ្ទះ ធ្វើអំពីដែកម្ចាស់ផ្ទះឈ្មោះ ឈូក ណម និងប្ដីឈ្មោះរិន សារ៉េត លេងដោយមិនមានអ្នកណាទៅហាមឃាត់ទេ ។ មួយសន្ទុះក្រោយមកដោយសារពេលនោះមានខ្យល់បោកបក់ខ្លាំងផង ក៏បណ្តាលឲ្យដួលរលំទ្វារដែករបងផ្ទះ សង្កត់លើក្មេងទាំង៣នាក់ បណ្ដាលឲ្យរងរបួសធ្ងន់ ហើយក្មេងរងគ្រោះត្រូវបានឪពុកម្តាយ នាំយកទៅមន្ទីរពេទ្យនៅភ្នំពេញភ្លាមៗ ដើម្បីធ្វើការសង្គ្រោះ។
ប៉ូលិសបានបញ្ជាក់ឲ្យដឹងថា កុមាររងគ្រោះទាំង២ បានសំរាកនៅមន្ទីរពេទ្យគន្ធបុប្ផារាជធានីភ្នំពេញ ប៉ុន្តែកុមារឈ្មោះ ខុំ កុយ ដោយសាររបួសធ្ងន់ពេក ពេលទៅដល់មន្ទីរពេទ្យ ក៏បានស្លាប់ ហើយឪពុកម្ដាយ បាននាំយកមកផ្ទះវិញ ដើម្បីធ្វើបុណ្យតាមប្រពៃណី៕
ចែករំលែកព័តមាននេះ