រាជធានីភ្នំពេញ ៖ រថយន្តបែននីសាន់មួយគ្រឿងបើកវ៉ារថយន្តមិនស្គាល់អត្តសញ្ញាណមួយគ្រឿង បានជ្រុលចង្កូតទៅបុកម៉ូតូម៉ាក SL ពេញទំហឹងបណ្តាលឱ្យបុរសពីរនាក់រងរបួស ដោយម្នាក់ បាក់ដៃម្នាក់បាក់ជើង ។ហេតុការណ៍នេះកើតឡើងកាលពីវេលាម៉ោង ៤ និង ៥០នាទីល្ងាច ថ្ងៃទី២១ តុលា ២០១៤ នៅចំណុចមុខរោងចក្រកាតុងហាតា តាមផ្លូវជាតិលេខ៤ ស្ថិតក្នុងភូមិអង្គ សង្កាត់ចោមចៅ ខណ្ឌពោធិ៍សែនជ័យ ។
បុរសរងគ្រោះទី១.ឈ្មោះ ត្រេន អាយុ២៧ឆ្នាំ ភេទប្រុស មុខរបរតំរួតបទបញ្ជា របួសបាក់ដៃ និងទី២.ឈ្មោះ ត្រាច់ អាយុ២៨ឆ្នាំ ភេទប្រុស។ ទាំងពីរនាក់ស្នាក់នៅក្នុងសង្កាត់ស្នោ ខណ្ឌពោធិ៍សែជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើត គេឃើញរថយន្តបែននីសាន់មួយគ្រឿង ពណ៌ស មិនស្គាល់ ស្លាកលេខ បើកតាមផ្លូវជាតិលេខ៤ ក្នុងទិសដៅលិច ទៅកើតខណៈមកដល់ចំណុចកើតហេតុក៏បានវ៉ារថយន្តមួយគ្រឿង ហើយបានជ្រុលចង្កូតទៅបុកម៉ូតូម៉ាក SLមួយគ្រឿង ពាក់ស្លាកលេខភ្នំពេញ1BA-8061 ជិះដោយបុរសពីរនាក់ក្នុងទិសដៅពីកើតទៅលិច ពេញទំហឹងបណ្តាលឱ្យបុរសពីរនាក់រងរបួស ដោយម្នាក់ បាក់ដៃម្នាក់បាក់ជើង ។
ក្រោយពេលកើតហេតុជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែករថយន្តបង្កបើកគេចខ្លួនបាត់ស្រមោល ។
ចែករំលែកព័តមាននេះ