រាជធានីភ្នំពេញ៖ រដ្ឋមន្រ្ដីក្រសួងព័ត៌មាន បានកំណត់ថាចាប់ពីឆ្នាំ២០១៥ តទៅ គ្រប់ស្ថានីយ៍ទូរទស្សន៍ទាំងអស់ រាល់ការចាក់ផ្សាយពាណិជ្ជកម្ម ត្រូវរៀបចំផលិតនិងយកតួមកសម្ដែងជាជនជាតិខ្មែរ មិនត្រូវយកតួ សម្ដែងបរទសមកចាក់ផ្សាយនោះទេ ។ លោក ខៀវ កាញារីទ្ធ រដ្ឋមន្រ្ដីក្រសួងព័ត៌មាន បានមានប្រសាសន៍
រាជធានីភ្នំពេញ៖ រដ្ឋមន្រ្ដីក្រសួងព័ត៌មាន បានកំណត់ថាចាប់ពីឆ្នាំ២០១៥ តទៅ គ្រប់ស្ថានីយ៍ទូរទស្សន៍ទាំងអស់ រាល់ការចាក់ផ្សាយពាណិជ្ជកម្ម ត្រូវរៀបចំផលិតនិងយកតួមកសម្ដែងជាជនជាតិខ្មែរ មិនត្រូវយកតួ សម្ដែងបរទសមកចាក់ផ្សាយនោះទេ ។ លោក ខៀវ កាញារិទ្ធ រដ្ឋមន្រ្ដីក្រសួងព័ត៌មាន បានមានប្រសាសន៍ ថ្លែងក្នុងកិច្ចប្រជុំពិគ្រោះយោបល់ស្ដីពីការចាក់ផ្សាយភាពយន្ដបរទេសតាមកញ្ចក់ទូរទស្សន៍ ព្រឹកថ្ងៃ ទី២១ ខែតុលានេះ នៅទីស្ដីការក្រសួងថា ក្រសួងនឹងចេញសេចក្ដីណែនាំដល់គ្រប់ស្ថានីយទូរទស្សន៍ទាំងអស់ ចាប់ពីឆ្នាំ២០១៥ តទៅរាល់ការផ្សាយពាណិជ្ជកម្ម ត្រូវជ្រើសរើសយកសិល្បៈករ សិល្បៈការិនី និងអ្នកសម្ដែងខ្មែរ ដោយ មិនត្រូវយកតួបរទេសមកមកប្រែ និងបញ្ចូលសម្លេងសម្រាប់ចាក់ផ្សាយស្ពតពាណិជ្ជកម្មនោះទេ ។
លោករដ្ឋមន្ត្រីបញ្ជាក់ថា ការកំណត់បែបនេះ គឺដើម្បីជួយលើកកម្ពស់សិល្បៈករ សិល្បៈការិនី និង អ្នកសម្ដែងខ្មែរ កាន់តែមានលទ្ធភាពក្នុងការចូលរួមប្រកបវិជ្ជាជីវៈបានកាន់តែទូលំទូលាយ និងអាចបង្កើននូវចំណូលបានមួយកម្រិតថែមទៀត ។ លោកលើកឡើងទៀតថា បច្ចុប្បន្ននេះ ការចាក់បញ្ចាំងភាពយន្ដបរទេសនៅតាមកញ្ចក់ ទូរទស្សន៍ ក្រសួងនឹងចេញសេចក្ដីណែនាំដល់គ្រប់ស្ថានីយទូរទស្សន៍ទាំង ត្រូវកាត់បន្ថយការបញ្ចាំង តាមកញ្ចក់ទូរទស្សន៍ហើយត្រូវពិភាក្សាស្វែងរកវិធីសាស្រ្ដបែបណា ដើម្បីបង្កើនគុណភាពក្នុងការ ផលិតខ្សែភាពខ្មែរ ឱ្យបានដល់កម្រិតណាមួយ ស្របទៅតាមតំបន់ និងអន្ដរជាតិ ។
ចែករំលែកព័តមាននេះ