ខេត្តកំពង់ឆ្នាំង ៖ អំពើប្លន់ប្រដាប់អាវុធឆក់យកថង់មាស យ៉ាងព្រហើននិងភ្ញាក់ផ្អើលមួយបានកើតឡើងនៅវេលាម៉ោង៤ និង៣០នាទីល្ងាចថ្ងៃទី២១ ខែ តុលា ឆ្នាំ២០១៤ បណ្តាលឱ្យយុវជនម្នាក់បានស្លា.ប់ និងនារីម្នាក់ទៀតបានរងរបួសយ៉ាងធ្ងន់ធ្ងរ នៅមុខផ្សារព្រៃខ្មែរ ស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខណៈ
ខេត្តកំពង់ឆ្នាំង ៖ អំពើប្លន់ប្រដាប់អាវុធឆក់យកថង់មាស យ៉ាងព្រហើននិងភ្ញាក់ផ្អើលមួយបានកើតឡើងនៅវេលាម៉ោង៤ និង៣០នាទីល្ងាចថ្ងៃទី២១ ខែ តុលា ឆ្នាំ២០១៤ បណ្តាលឱ្យយុវជនម្នាក់បានស្លាប់ និងនារីម្នាក់ទៀតបានរងរបួសយ៉ាងធ្ងន់ធ្ងរ នៅមុខផ្សារព្រៃខ្មែរ ស្ថិតក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ ខណៈដែលម្ចាស់មាសប្រាក់ទាំង២នាក់បងប្អូន ស្ពាយកាបូបដាក់មានប្រាក់ចំនួន៣វិល ត្រឡប់ចូលផ្ទះវិញ ។
មន្ត្រីនគរបាលមូលដ្ឋានបាននិយាយថាជនរងគ្រោះជាបងមានឈ្មោះ សួន រដ្ឋា អាយុ៣២ឆ្នាំ ចំណែក នារីជាប្អូនមានឈ្មោះ សួន បូរិន អាយុ២៧ឆ្នាំ ទាំង២នាក់មានទីលំនៅភូមិ-ឃុំកន្លែងកើតហេតុខាងលើ ។ តាមសាក្សីនៅក្លែងកើតហេតុបាននិយាយថា មុនពេលកើតហេតុ២នាក់បងប្អូនបានស្ពាយកាបូប មាសនិងប្រាក់ចំនួន៣ ចេញពីផ្សារព្រៃខ្មែរ ដោយដើរឆ្លងថ្នល់ជាតិលេខ៥ ត្រឡប់មកផ្ទះវិញដែលនៅទល់ មុខផ្សារព្រៃខ្មែរនេះតែម្តង។ ពេលមកដល់មុខផ្ទះស្រាប់តែលេចជនដៃដល់មានគ្នា៣នាក់ ប្រដាប់ដោយអាវុធអាកា១ដើម និង កាំភ្លើងខ្លីមួយដើម ជិៈម៉ូតូធំពណ៌ក្រហម មួយគ្រឿង មកឈប់ភ្ជង់ប្លន់យកកាបូបមាសប្រាក់នោះតែម្តង ។
ក្នុងពេលនោះដែរ២នាក់បងប្អូនបានព្យាយាមមិនឱ្យឡើយ ភ្លាមនោះក្រុមចោរបាញ់ចំនួន៥គ្រាប់ទៅលើជនរងគ្រោះទាំង២នាក់បងប្អូន បណ្តាលឱ្យដួលក្នុងថ្លុកឈាម ហើយចោរឆក់យកការបូបទាំង៣ ជិៈម៉ូតូគេចចេញបាត់ដោយសុវត្ថិភាព ។ ចំណែកជនរងគ្រោះត្រូវបានក្រុមគ្រួសារដឹកយកទៅមន្ទីរពេទ្យជាបន្ទាន់ ប៉ុន្តែគួសោកស្តាយ យុវជនជាបង បានស្លាប់ពេលដឹកទៅសង្គ្រោះនៅមន្ទីរពេទ្យចំណែក នារីជាប្អូន គ្រូពេទ្យថាធ្ងន់ធ្ងរណាស់ កំពុងស្ថិតក្នុងការសង្គ្រោះ ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ