បាងកក ៖ កាលពីពេលថ្មីៗនេះគណៈកម្មាធិការរដ្ឋបាលគោលនយោបាយថាមពល បានសម្រេចថា នឹងដំឡើងថ្លៃឧស្ម័ន LPG សម្រាប់ប្រើប្រាស់លើផ្នែកដឹកជញ្ជូនប្រមាណជា០,៧០ដុល្លារក្នុងមួយគីឡូក្រាមដែលមានកម្រិតដូចគ្នាទៅនឹងហ្គាសសម្រាប់ចម្អិនអាហារដែរ ។
រដ្ឋមន្ត្រីថាមពលថៃថ្លែងថា ដើម្បីឱ្យតម្លៃថាមពលនៅក្នុងប្រទេសក្លាយជាគ្រឿងជំនួយលើវិស័យគ្រឿងចក្រ គណៈកម្មការខាងលើបានធ្វើការសម្រេចចិត្តកែតម្រូវតម្លៃឧស្ម័ន LPG សម្រាប់ប្រើប្រាស់ក្នុងវិស័យយានយន្តពី០,៦៨ដុល្លារមក០,៧០ដុល្លារក្នុងមួយគីឡូក្រាម ។ ស្របពេលដែលអត្រាតម្លៃថ្មីសមមូលនឹងតម្លៃហ្គាសសម្រាប់ចម្អិនអាហារ ការដំឡើងថ្លៃនេះត្រូវបានគេរំពឹងថា នឹងធ្វើឱ្យអតិថិជនរារែកចិត្តងាកមករកការសន្សំសំចៃការចំណាយពីការប្រើប្រាស់ប្រភេទឧស្ម័នខុសគោលដៅ ។
ម្យ៉ាងទៀតគណៈកម្មការថាលពមបានព្រមព្រៀងប្រមូលចំណូល៧.០០០បាតបន្ថែមពីគ្រប់ចំនួនលីត្រនៃប្រេងម៉ាស៊ូត ដែលលក់តាមការអនុគ្រោះនៃមូលនិធិប្រេងរបស់រដ្ឋ និងដោយមានការដំឡើងការប្រមូលចំណូលពី០,០៩ដុល្លារទៅ០,១១ដុល្លារក្នុងមួយលីត្រ ។ ទោះជាយ៉ាងណា ក្រសួងអះអាងថា ការបង្កើនពន្ធជំនួយអាចនឹងនាំមកនូវចំណូលដែលមានទឹកប្រាក់ជាង៣០,៩៩លានដុល្លារសម្រាប់មូលនិធិប្រចាំខែ ៕
ចែករំលែកព័តមាននេះ