តាមប្រភពព័ត៌មានប៊ីស៊ីស៊ីចេញផ្សាយកាលពីថ្ងៃអង្គារ ទី២១ តុលា ឆ្នាំ២០១៤ បានឱ្យដឹងថា កីឡាករខ្សែបម្រើការពារ Peter Biaksang Zuala របស់ក្លិប Bethlehem Vengthlang FC ក្នុងក្របខណ្ឌបាល់ទាត់ឥណ្ឌា Mizoram ប្រឺមីញេលីក បានស្លាប់ដោយសាររបួសឆ្អឹងខ្នងធ្ងន់ធ្ងរ បន្ទាប់ពីកីឡាកររូបនេះលោកដាំដូងបង្វិលខ្លួនត្រឡប់ក្រោយ ដើម្បីអបអរការស៊ុតបញ្ចូលទីរបស់ខ្លួនតាមយកស្មើក្រុម Chanmari West Fc នៅក្នុងការប្រកួតកាលពីថ្ងៃអាទិត្យ ទី១៩ តុលា ឆ្នាំ២០១៤ ។
បន្ទាប់ពីរងរបួសបាក់ឆ្អឹងខ្នងធ្ងន់ធ្ងរកីឡាកររូបនេះត្រូវបានបញ្ជូនទៅកាន់មន្ទីរពេទ្យ ដើម្បីធ្វើការវះកាត់សង្គ្រោះបន្ទាន់ ក៏ប៉ុន្តែក្រុមគ្រូពេទ្យមិនអាចជួយបាន ធ្វើឱ្យកីឡាកររូបនេះស្លាប់កាលពីថ្ងៃច័ន្ទ ។នៅក្នុងសេចក្តីថ្លែងការរបស់ក្លិប Bethlehem Vengthlang Fc បានឱ្យដឹងថា កីឡាករខ្សែបម្រើការពារវ័យ២៣ឆ្នាំរូបនេះ គឺជាកីឡាករមានទេពកោសល្យល្អក្នុងការរកគ្រាប់បាល់បញ្ចូលទី ហើយការស្លាប់នេះគឺជាការបាត់បង់គ្រាប់ពូជដ៏ល្អមួយ ៕
ចែករំលែកព័តមាននេះ