ខេត្តស្ទឹងត្រែង ៖ កាលពីវេលាព្រឹកថ្ងៃទី២១ តុលា ២០១៤ នេះ កម្លាំងជំនាញរដ្ឋបាលព្រៃឈើធ្វើការរឹបអូសឈើប្រភេទធ្នង់បានចំនួន៤៣កំណាត់ មករក្សាទុកនៅខណ្ឌរដ្ឋបាលព្រៃឈើស្ទឹងត្រែង ។
លោកសុខ សេដា មន្ត្រីខណ្ឌរដ្ឋបាលព្រៃឈើខេត្តស្ទឹងត្រែងបានប្រាប់កោះសន្តិភាពនៅព្រឹកថ្ងៃទី២១ តុលា នេះថា ឈើដែលជំនាញរឹបអូសនៅមិនទាន់បានធ្វើការវាស់វែងនៅឡើយទេ ។ ឈើប្រណីតទាំងនេះ ត្រូវដឹកជញ្ជូនពីកំពង់ចម្លងមួយកន្លែងនៅភូមិស្តៅ១ ឃុំស្តៅ ស្រុកសេសាន ខេត្តស្ទឹងត្រែង ខណៈដែលមានស្ថាប័នសហការជំនាញរដ្ឋបាលព្រៃឈើ ។
ប្រភពពីបណ្តាញភ្នាក់ងារនៅស្រុកសៀមប៉ាងបានបញ្ជាក់ថា ក្រុមឈ្មួញបាននិងកំពុងសម្រុកកាប់ឈើនៅក្នុងឧទ្យានជាតិសំខាន់ៗនៅក្នុងស្រុកសៀមប៉ាង និងសម្រុកយកគោយន្តកែច្នៃ និងគោយន្តកន្ត្រៃចូលទៅដឹកឈើប្រណីតទាំងនោះ ចូលក្នុងឃ្លាំងមួយនៅស្រុកសៀមប៉ាង និងមួយចំនួនទៀតសម្រុកដឹកទៅប្រទេសឡាវ តាមច្រករបៀងមួយចំនួន ជាប់ព្រំប្រទល់ស្រុកសៀមប៉ាងខេត្តស្ទឹងត្រែង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ