អ្នកច្នៃម៉ូដសក់ជនជាតិអុីតាលី វ័យ៤៤ឆ្នាំអ្នកស្រី Maria Lucia Mugno បំបែកឯតទគ្គកម្មចាស់ដោយយកសក់មនុស្សប្រមាណជា២០ គីឡូក្រាមតុបតែងលើរថយន្តម៉ាក Fiat 500 ។ អ្នកស្រី Maria Lucia Mugno និយាយថា «ខ្ញុំចាប់ផ្តើមយកសក់មនុស្សមកតុបតែងលើរថយន្តតាំងពីឆ្នាំ២០១០ ហើយថ្មីៗនេះខ្ញុំបានយកសក់ចំនួន២០គីឡូក្រាម និងចំណាយពេល១៥០ម៉ោងទៅបន្ថែមលើរថយន្តនោះដើម្បីបំបែកឯតទគ្គកម្មឆ្នាំ២០១៤ ។ មិនថាតួរថយន្តខាងក្នុង ឬខាងក្រៅទេ ខ្ញុំតុបតែងសក់មនុស្សគ្រប់ទីកន្លែងទាំងអស់សូម្បីតែចង្កូតរថយន្តក៏ដោយ» ។
អ្នកស្រីនិយាយទៀតថា «សក់ដែលត្រូវតុបតែងលើរថយន្តនេះគឺខ្ញុំទិញមកពីប្រទេសឥណ្ឌា និងមានជំនួយការរបស់ខ្ញុំម្នាក់ទៀតជួយដែរ»។ អ្នកស្រីសង្ឃឹមថា រថយន្តដែលគ្របដណ្តប់ដោយសក់មនុស្សនេះនឹងអាចដាក់លក់ក្នុងតម្លៃ ១០០.០០០ដុល្លារ តែមិនមានអ្នកណាទិញវាទេ ព្រោះជាការតុបតែងបែបកំប្លែង និងមិនទាន់សម័យកាលទេ ៕
ជួប សុខជា
SOKEA 20141021_768_60010
រូប Sokchea 20141009 (5-7)
កែ ១
ឦ
ចែករំលែកព័តមាននេះ