១-ប្រើសលុកលុយចូលហាងស្រា
នៅហាងលក់ស្រាមួយក្នុងក្រុងវ៉េម៉ៅ រដ្ឋម៉ាសឈូសេត សត្វប្រើសមួយក្បាលចូលតាមបង្អួច និងរត់នៅពេញហាង ធ្វើឱ្យអតិថិជនភ្ញាក់ផ្អើល ។ ឃើញដូច្នេះម្ចាស់ហាងនិងដេញចាប់ប្រើស និងទម្រាំវាចាកចេញបែកដបស្រាមានតម្លៃជាច្រើនដប ។
២-បុណ្យឯករាជ្យអៀរឡង់ខាងជើង
កាំជ្រួចត្រូវគេចងផ្លុំក្នុងខណ្ឌឆានហ្គីល ក្រុងបែលហ្វាស ប្រទេសអៀរឡង់ខាងជើង ដើម្បីប្រារព្ធពិធីបុណ្យឯករាជ្យ «Eleven Nigjht» ឬ «យប់ថ្ងៃទី១១ កក្កដា នៅមុនពេលឈានចូលដល់ថ្ងៃទី១២ កក្កដា ។ ពិធីនោះមានអ្នកកាន់សាសនាគ្រិស្តប្រូតេស្តង់ រំលឹកខួបពីការតស៊ូដ៏ល្បីល្បាញរបស់ស្តេចវីលលៀមទី៣ ដែលយកឈ្នះស្តេចជេមទី២ ជាកាតូលិកនៅលើសមរភូមិប៊ន នៅថ្ងៃទី១២ កក្កដា ១៦៩០ ។
៣-ពិពរ័ណ៍ម៉ាំមី
មឈូសបុរាណ និងមាំុមីរបស់ព្រះនាងហ្វារ៉ូរ៉ាមលេសទី២ បានតាំងបង្ហាញនៅទីតាំងបេតិកភណ្ឌពិភពលោក ក្នុងក្រុងវ៉ូលគ្លីងងេន ភាគខាងលិចប្រទេសអាល្លឺម៉ង់នៅក្នុងកម្មវិធីពិពរ័ណ៍ចល័ត ដោយបើកឱ្យចូលទស្សនាតាំងពីថ្ងៃទី១៥ កក្កដា ២០១៤ ដល់ថ្ងៃទី២២ កុម្ភៈ ២០១៥ ។
៤-សេះយន្តប្រើអាគុយ
ជាងឈើរស់នៅខេត្តជីលីន ប្រទេសចិន បានបង្កើតសេះយន្តច្នៃពីឈើ ដោយប្រើអាគុយ ។ សេះយន្តមានកម្ពស់១,៤ម៉ែត្រ អាចដើរនិងបត់បាននេះ ជាងឈើអាយុ៦០ឆ្នាំបានចំណាយពេលសាងសង់ប្រហែល៦ឆ្នាំ ។
៥-សត្វភេយកឈ្មោះតាមគ្រូបង្វឹកបាល់ទាត់
«Joachim Low» ជាឈ្មោះរបស់កូនភេនៅឧទ្យានសត្វ «នូមីនស្ទ័រ» ភាគខាងជើងអាល្លឺម៉ង់ ។ កូនភេនោះកើតកាលពីថ្ងៃទី៨ កក្កដា ២០១៤ ជាថ្ងៃក្រុមបាល់ទាត់អាល្លឺម៉ង់យកឈ្នះក្រុមជម្រើសជាតិប្រេស៊ីលនៅ World Cup 2014 និងបានដាក់ឈ្មោះតាមគ្រូបង្វឹកក្រុមជម្រើសជាតិអាល្លឺម៉ង់ ។
៦-លេងហ្គីតាក្នុងទឹក
តន្ត្រីករប្រគំនៅខាងក្រោមទឹកក្នុងពិធីបុណ្យតន្ត្រីនៅឧទ្យានជាតិ «ផ្លរីដា ឃី» រដ្ឋផ្លរីដាសហរដ្ឋអាមេរិក ។
៧-អូដ្ឋទ្រទ្រង់ផ្នែកទេសចរណ៍
អ្នកទេសចរជិះអូដ្ឋទស្សនាទីក្រុងសាប៊ុត ឆ្ងាយពីក្រុងអាមេដាបាតរបស់ឥណ្ឌាប្រហែល៤០០គីឡូម៉ែត្រ ដើម្បីទ្រទ្រង់ផ្នែកទេសចរណ៍នៅក្នុងតំបន់ដែលមានជនជាតិជាច្រើនអំបូរ ។
៨-ឆ្កែថែទាំដំរីទឹក
ឆ្កែ «ម៉ុលលី» និង «កូកូ» បានបម្រើការជាមួយមូលនិធិ «ប៊ន» ក្នុងលក្ខណៈសប្បុរសធម៌នៅប្រទេសសែ៊បី ដោយថែទាំកូនដំរីទឹកកំព្រាឈ្មោះដាឡាស អាយុ២សប្តាហ៍រហូតមានកម្លាំងមាំមួនល្អអាចរស់នៅជាលក្ខណៈធម្មជាតិបាន ។
៩-ពិធីបុណ្យគោមភ្លើង
អ្នកទេសចរបានដើរនៅកណ្តាលគោម ក្នុងពិធីមីតាម៉ានៅព្រះចេតិយយ៉ាស៊ូគូនី ក្រុងតូក្យូ ប្រទេសជប៉ុន ដែលរៀបចំឡើងរយៈពេល៤ថ្ងៃ និងមានដុតគោមជាង៣០.០០០គោម ដើម្បីបូជាដួងវិញ្ញាណដល់អ្នកស្លាប់ក្នុងសង្គ្រាមជាង២,៤លាននាក់ ។
១០-ក្រញាំជើងលោហៈ
អ្នកបុរាណវិទ្យា បានបង្ហាញក្រញាំជើងធ្វើពីលោហៈដែលរកឃើញនៅក្នុងរណ្តៅសពមេទ័ពវប្បធម៌ «ម៉ូចេ» មានអាយុកាល១.៥០០ឆ្នាំមុននៅតំបន់បុរាណវិទ្យា «ហួកា ដឺឡាលូណា» ក្រុងទ្រូជីលឡូភាគខាងជើងប្រទេសប៉េរូ ៕
ចែករំលែកព័តមាននេះ