រាជធានីភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ សហការជាមួយកម្លាំងកងរាជអាវុធហត្ថខណ្ឌពោធិ៍សែនជ័យ បានចុះទៅបង្ក្រាបក្រុមប្រើប្រាស់និងចែកចាយគ្រឿងញៀ.នទាំងយប់ ដោយឃាត់ខ្លួនជនប្រុសស្រីចំនួន២០នាក់ ព្រមទាំងដកហូតបានថ្នាំញៀននិងសម្ភារផ្សេងៗមួយចំនួនទៀត ខណៈពេលពួកគេកំពុងស្នាក់នៅយ៉ាងពពាក់ពពូន ក្នុងផ្ទះសំណាក់មួយកន្លែង ។
រាជធានីភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ សហការជាមួយកម្លាំងកងរាជអាវុធហត្ថខណ្ឌពោធិ៍សែនជ័យ បានចុះទៅបង្ក្រាបក្រុមប្រើប្រាស់និងចែកចាយគ្រឿងញៀនទាំងយប់ ដោយឃាត់ខ្លួនជនប្រុសស្រីចំនួន២០នាក់ ព្រមទាំងដកហូតបានថ្នាំញៀននិងសម្ភារផ្សេងៗមួយចំនួនទៀត ខណៈពេលពួកគេកំពុងស្នាក់នៅយ៉ាងពពាក់ពពូន ក្នុងផ្ទះសំណាក់មួយកន្លែង ។
ការបង្ក្រាបនេះ បានធ្វើទ្បើងកាលពីវេលាម៉ោង១០និង៣៥នាទីយប់ ថ្ងៃទី១៩ តុលា នៅក្នុងផ្ទះសំណាក់ឈ្មោះ «ថារិទ្ធរស្មីអង្គរ» ស្ថិតនៅក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។ មន្ត្រីប៉េអឹមបានឱ្យដឹងថា មនុស្សដែលត្រូវឃាត់ខ្លួនមានប្រុសចំនួន១៨នាក់ និងស្រី២នាក់រួមមាន ១-ឈ្មោះ កែវ សុជាតិ ភេទប្រុស អាយុ១៨ឆ្នាំ ២-ឈ្មោះ រឿន សុវណ្ណពិសិដ្ឋ ភេទប្រុស អាយុ២២ឆ្នាំ ៣-ឈ្មោះ ឈួន បញ្ញា ភេទប្រុស អាយុ១៧ឆ្នាំ ៤-ឈ្មោះ យង់ សម្បត្តិ ភេទប្រុស អាយុ២២ឆ្នាំ ៥-ឈ្មោះ មិន ទ្បុង ភេទប្រុស អាយុ២២ឆ្នាំ ៦-ឈ្មោះ ភី ទ្បុង ភេទប្រុស អាយុ១៦ឆ្នាំ ៧-ឈ្មោះ ឌុច វិសាល ភេទប្រុស អាយុ២០ឆ្នាំ ៨-ឈ្មោះ សាល សំណាង ភេទប្រុស អាយុ១៨ឆ្នាំ ៩-ឈ្មោះ វ៉ាន់ លីន ភេទប្រុស អាយុ១៩ឆ្នាំ ១០-ឈ្មោះ ថា រី ភេទស្រី អាយុ២០ឆ្នាំ ១១-ឈ្មោះ ទ្បុង វិសាល ភេទប្រុស អាយុ២២ឆ្នាំ ១២-ឈ្មោះ ស្រី ស្រស់ ភេទស្រី អាយុ២០ឆ្នាំ ១៣-ឈ្មោះ ចាន់ ណារិន ភេទប្រុស អាយុ៣៥ឆ្នាំ ១៤-ឈ្មោះ សុខ នឿន ភេទប្រុស អាយុ២៥ឆ្នាំ ១៥-ឈ្មោះ ចាន់ ភារ័ត្ន ភេទប្រុស អាយុ២៤ឆ្នាំ ១៦-ឈ្មោះ សុខ ចាន់ភក្តី ភេទប្រុស អាយុ២៨ឆ្នាំ ១៧-ឈ្មោះ គង់ សុវណ្ណ ភេទប្រុស អាយុ៣០ឆ្នាំ ១៨-ឈ្មោះ សែម វិបុល ភេទប្រុស អាយុ២២ឆ្នាំ ១៩-ឈ្មោះ ឃិន ភៀន ភេទប្រុស អាយុ២៧ឆ្នាំ ២០-ឈ្មោះ សឿន ណារិន ភេទប្រុស អាយុ១៨ឆ្នាំ ។
សមត្ថកិច្ចដដែលបន្តថា ជនទាំង២០នាក់នេះ ខ្លះស្នាក់នៅក្នុងភូមិសាស្ត្រសង្កាត់ចោមចៅ និងខ្លះទៀតស្នាក់នៅក្នុងភូមិសាស្ត្រសង្កាត់កាកាប ខណ្ឌពោធិ៍សែនជ័យ។ ពួកគេបានទៅស្នាក់នៅក្នុងបន្ទប់ផ្សេងៗពីគ្នា នៅក្នុងផ្ទះសំណាក់ ដោយសម្ងំប្រើប្រាស់និងចែកចាយគ្រឿងញៀនយ៉ាងអនាធិបតេយ្យបំផុត ។ ផ្ទះសំណាក់មួយនោះ គឺជាទីតាំងសម្រាប់ក្រុមជនញៀនថ្នាំខាងលើ ស្នាក់នៅធ្វើសកម្មភាពគ្រឿងញៀនតែម្តង ។ ការចុះបង្ក្រាបនេះដឹកនាំដោយលោក ប៉ាន់ សុភាព ប្រធានការិយាល័យប្រឆាំងគ្រឿងញៀននៃកងរាជអាវុធហត្ថរាជធានីភ្នំពេញ លោក អាន់ សូរីដា អនុប្រធានការិយាល័យ និងលោក សឺន កែវវណ្ណធី មេបញ្ជាការរងកងរាជអាវុធហត្ថខណ្ឌ ។ ក្នុងការបង្ក្រាបនេះដែរ សមត្ថកិច្ចដកហូតបានថ្នាំញៀនចំនួនជាង១០កញ្ចប់ ម៉ូតូចំនួន៥គ្រឿង ព្រមទាំងសម្ភារពាក់ព័ន្ធមួយចំនួនទៀត ។
ពេលនេះមនុស្សទាំងអស់ ត្រូវបាននាំយកទៅទីបញ្ជាការកងរាជអាវុធហត្ថរាជធានីភ្នំពេញ ដើម្បីសាកសួរនិងកសាងសំណុំរឿងបញ្ជូនទៅសាលាដំបូង ។ តាមការកត់សម្គាល់អ្នកជក់ថ្នាំញៀនទាំង២០នាក់នេះ សុទ្ធតែយុវវ័យ ៕
ចែករំលែកព័តមាននេះ