រាជធានីភ្នំពេញ ៖ រថយន្តនីសាន់កែច្នៃមួយគ្រឿងដឹកកៅអីជ័រ ខ្ពស់សំពីងសំពោងបានបើកធ្លាក់ជង្ហុកផ្លូវតែបន្តិចបណ្តាលឱ្យក្រឡាប់ប៉ះជើងទៅខាងឆ្វេងផ្លូវ ចាក់កៅអីរាយប៉ាយកណ្តាលផ្លូវ តែសំណាងល្អមិនមានមនុស្សណាម្នាក់រងគ្រោះថ្នាក់ ។ ហេតុការណ៍នេះកើតឡើងកាលពីវេលាម៉ោង ៩ និង ៣០ នាទីយប់ ថ្ងៃទី២០
រាជធានីភ្នំពេញ ៖ រថយន្តនីសាន់កែច្នៃមួយគ្រឿងដឹកកៅអីជ័រ ខ្ពស់សំពីងសំពោងបានបើកធ្លាក់ជង្ហុកផ្លូវតែបន្តិចប៉ុណ្ណោះបណ្តាលឱ្យក្រឡាប់ប៉ះជើងទៅខាងឆ្វេងផ្លូវ ចាក់កៅអីរាយប៉ាយកណ្តាលផ្លូវ តែសំណាងល្អមិនមានមនុស្សណាម្នាក់រងគ្រោះថ្នាក់ ។ ហេតុការណ៍នេះកើតឡើងកាលពីវេលាម៉ោង ៩ និង ៣០ នាទីយប់ ថ្ងៃទី២០ តុលា ២០១៤ នៅចំណុចមុខផ្ទះលក់គ្រឿងសំណង់យីហោ ម៉េង ហ៊ុយ (ចំការដូង ) តាមបណ្តោយផ្លូវ២១៧ ស្ថិតក្នុងសង្កាត់ដង្កោ ខណ្ឌដង្កោ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តនីសាន់កែច្នៃ មួយគ្រឿងដឹកកៅអីជ័រខ្ពស់សំពីងសំពោងពីវេៀតណាម យកមកបោះដុំនៅរាជធានីភ្នំពេញ បើកដោយបុរសម្នាក់ និងរួមដំណើរដោយបុរស៣នាក់ទៀត ធ្វើដំណើរតាមផ្លូវ២១៧យ៉ាងលឿន ខណៈមកដល់ចំណុចកើតហេតុរថយន្តបានបើកធ្លាក់ជង្ហុកផ្លូវតែបន្តិច ក៏ក្រឡាប់ប៉ះជើងទៅខាងឆ្វេងផ្លូវចាក់កៅអីរាយប៉ាយពេញកណ្តាលផ្លូវ តែសំណាងល្អ មិនមានមនុស្សរងរបួស ។
ក្រោយពេលកើតហេតុប្រជាពលរដ្ឋ និងសមត្ថកិច្ចនាំគ្នាជួយលើកកៅអីចេញពីលើផ្លូវទៅដាក់នៅចិញ្ចើមផ្លូវ ហើយក៏នាំគ្នាជួយបំបាស់រថយន្តឱ្យធម្មតាឡើងវិញ ។
ចែករំលែកព័តមាននេះ