លោក ហ្សូកូ វីដូដូ ជាប្រធានាធិបតីឥណ្ឌូណេស៊ីដំបូងគេ គ្មានទាក់ទិនជាមួយរបបនៃអតីតជនផ្តាច់ការស៊ូហារតូ នោះ បានចូលកាន់តំណែងកាលពីថ្ងៃទី២០ តុលា ដោយលោកត្រូវប្រឈមមុខនឹងឧបសគ្គនានាសម្រាប់ការកែទម្រង់ក្នុងប្រទេស ។ ៣ខែក្រោយពីជាប់ឆ្នោត លោក ហ្សូកូ វីដូដូ បានធ្វើសច្ចាប្រណិធានចូលកាន់តំណែងនៅមុខសភានាទីក្រុងហ្សាការតា ដោយពិធីនោះចូលរួម
លោក ហ្សូកូ វីដូដូ ជាប្រធានាធិបតីឥណ្ឌូណេស៊ីដំបូងគេ គ្មានទាក់ទិនជាមួយរបបនៃអតីតជនផ្តាច់ការស៊ូហារតូ នោះ បានចូលកាន់តំណែងកាលពីថ្ងៃទី២០ តុលា ដោយលោកត្រូវប្រឈមមុខនឹងឧបសគ្គនានាសម្រាប់ការកែទម្រង់ក្នុងប្រទេស ។ ៣ខែក្រោយពីជាប់ឆ្នោត លោក ហ្សូកូ វីដូដូ បានធ្វើសច្ចាប្រណិធានចូលកាន់តំណែងនៅមុខសភានាទីក្រុងហ្សាការតា ដោយពិធីនោះចូលរួមដោយឥស្សរជនបរទេសជាច្រើនរូប ក្នុងនោះរួមមាននាយករដ្ឋមន្ត្រីអូស្ត្រាលី លោក តូនី អាប់បុត និងរដ្ឋមន្ត្រីការបរទេសអាមេរិក លោក ចន ឃ័ររី ។
ក្នុងពិធីនោះលោក ហ្សូកូ វីដូដូ ហៅហ្សូកូវី បានសច្ចាថា ក្នុងនាមព្រះជាម្ចាស់ខ្ញុំសូមសច្ចាថា បំពេញបណ្តាកាតព្វកិច្ចរបស់ខ្ញុំក្នុងឋានៈជាប្រធានាធិបតីឥណ្ឌូណេស៊ី ដោយធ្វើអ្វីគ្រប់យ៉ាងតាមដែលអាចធ្វើទៅបាន និងដោយយុត្តិធម៌បំផុត ។ អ្នកគាំទ្រលោក ហ្សូកូវី ជាច្រើននាក់ប្រមូលផ្តុំគ្នានៅតាមកន្លែងផ្សេងៗនៃរដ្ឋធានី សម្តែងការអបអរសាទរចំពោះការឡើងកាន់អំណាចរបស់លោក ក្រោមកិច្ចការពារសន្តិសុខយ៉ាងតឹងតែង ។ ប៉ូលិសដល់ទៅជាង២៤.០០០នាក់ ត្រូវបានដាក់ពង្រាយនៅក្រុងហ្សាការតា សម្រាប់ពិធីផ្ទេរអំណាចនេះ ។
មានប្រភពពីគ្រួសារមធ្យមមួយ លោក ហ្សូកូវី ជាប្រធានាធិបតីឥណ្ឌូណេសុី ដំបូងគេដែលពុំមែនចេញពីក្រុមនយោបាយ-យោធា ដែលគ្រប់គ្រងប្រទេសអ៊ិស្លាមធំជាងគេលើពិភពលោកនេះ ចាប់តាំងពីការផ្តួលរំលំរបបផ្តាច់ការរបស់លោក ស៊ូហារតូ ពីឆ្នាំ១៩៩៨មក ។ជាប់ឆ្នោតកាលពីខែកក្កដា ឈ្នះអតីតឧត្តមសេនីយ៍ ប្រាបាវ៉ូ ស៊ូប៊ីអានតូ លោក ហ្សូកូវី អាយុ៥៣ឆ្នាំ ហក់ចូលនយោបាយដោយសារប្រជាប្រិយភាពរបស់លោកទទួលបានពីដំបូង ពេលលោកធ្វើជាអភិបាលក្រុងកំណើតរបស់លោក បន្ទាប់មកជាអភិបាលក្រុងហ្សាការតា កាលពីឆ្នាំ២០១២ ។
ពេលធ្វើយុទ្ធនាការឃោសនាបោះឆ្នោត លោកសន្យាតស៊ូប្រឆាំងអំពើពុករលួយ កាត់បន្ថយភាពក្រីក្រក្នុងប្រទេស មានប្រជាជន២៥០លាននាក់ ដែលប្រជាជនជិត៤០%រស់នៅជាមួយប្រាក់ចំណូលមិនដល់២ដុល្លារផងក្នុងមួយថ្ងៃ ៕
ចែករំលែកព័តមាននេះ