ការិយាល័យកុងស៊ុលចិន នៅភូកេត រាយការណ៍កាលពីថ្ងៃទី២០ តុលា ថា អ្នកទេសចរចិន២៣នាក់ត្រូវរបួស ហើយជនជាតិកូរ៉េខាងត្បូង២នាក់បាត់ខ្លួន ក្រោយការបុកគ្នារវាងទូកម៉ាសុីនមួយ និងនាវានេសាទមួយគ្រឿង ក្នុងដែនទឹកនៃកោះភូកេតរបស់ថៃ កាលពីថ្ងៃទី១៩ តុលា ។
កាលពីរសៀលថ្ងៃទី១៩ តុលា ទូកម៉ាសុីន១គ្រឿងដឹកអ្នកទេសចរមានឈ្មោះថា Queen Star បានលិចក្រោយពីបុកជាមួយនាវានេសាទ១គ្រឿង ពេលទូកម៉ាសុីននោះវិលត្រឡប់ពីកោះភីភី មកកាន់ភូកេតវិញ ។អ្នកទេសចរបរទេស៣៧នាក់ ជិះក្នុងទូកមា៉សុីន ដោយក្នុងចំណោមអ្នកទាំងនោះមានជនជាតិចិន កូរ៉េខាងត្បូង និងជនជាតិលោកខាងលិច ។ប្រតិបត្តិការតាមរកអ្នកទេសចរបាត់ខ្លួនកំពុងធ្វើ ហើយការសុើបអង្កេតរកមូលហេតុនៃគ្រោះថ្នាក់នោះក៏កំពុងធ្វើដែរ ៕
ចែករំលែកព័តមាននេះ