កីឡាការិនីរុស្ស៊ី Anastasia Pavlyuchenkova ដណ្តើមបានពានកីឡាវាយកូនបាល់ជាលើកទី៧ ក្នុងអាជីពរបស់ខ្លួនបន្ទាប់ពីនាងយកឈ្នះជើងឯកកម្មវិធី Kremlin Cup នៅក្រុងមូស្គូ ប្រទេសកំណើតកាលពីថ្ងៃអាទិត្យ ទី១៩ តុលា ។ កីឡាការិនីវ័យ២៣ឆ្នាំរូបនេះបានប្រើពេល២ម៉ោងនិង២៨នាទីផ្តួលគូប្រកួតមកពីរូម៉ានី Irina-Camelia Begu ដោយជោគជ័យក្នុងលទ្ធផលពិន្ទុ៦-៤, ៥-៧
កីឡាការិនីរុស្ស៊ី Anastasia Pavlyuchenkova ដណ្តើមបានពានកីឡាវាយកូនបាល់ជាលើកទី៧ ក្នុងអាជីពរបស់ខ្លួនបន្ទាប់ពីនាងយកឈ្នះជើងឯកកម្មវិធី Kremlin Cup នៅក្រុងមូស្គូ ប្រទេសកំណើតកាលពីថ្ងៃអាទិត្យ ទី១៩ តុលា ។ កីឡាការិនីវ័យ២៣ឆ្នាំរូបនេះបានប្រើពេល២ម៉ោងនិង២៨នាទីផ្តួលគូប្រកួតមកពីរូម៉ានី Irina-Camelia Begu ដោយជោគជ័យក្នុងលទ្ធផលពិន្ទុ៦-៤, ៥-៧ និង៦-១ ។ វាជាជ័យជម្នះលើកទី២ លើនាង Begu ដែលជាកីឡាការិនីលំដាប់ទី៦០ ពិភពលោក ។
នាងបានថ្លែងថា ៖ «នេះជាមធ្យោបាយល្អជាងគេក្នុងការបញ្ចប់រដូវកាល ។ ការប្រកួតពិតជាមានសភាពស្វិតស្វាញខ្លាំង ។ យ៉ាងណាក៏ដោយ ខ្ញុំមិនអាចបរាជ័យនៅចំពោះមុខអ្នកគាំទ្រជាជនរួមជាតិនោះទេ» ។ ជ័យជម្នះលើកនេះនាំឱ្យនាង Pavlyuchenkova ទទួលបានប្រាក់រង្វាន់១២២ពាន់ដុល្លារអាមេរិក ខណៈនាង Begu ទទួលបាន៦៦ពាន់និង២៥០ដុល្លារ ។
ចំណែកលទ្ធផលវាយទោលផ្នែកបុរសវិញ ពានជើងឯកបានទៅលើកីឡាករក្រូអាស៊ី Marin Cilic ។ ម្ចាស់ជើងឯកក្របខ័ណ្ឌធំ US Open រូបនេះបានផ្តួលកីឡាករអេស្ប៉ាញ Roberto Bautista-Agut ក្នុងលទ្ធផល៦-៤ និង៦-៤ បន្ទាប់ពីប្រើអស់ថិរវេលា២ម៉ោង និង២៤នាទី ។
គេបានថ្លែងថា ៖ «ទម្រាំមានលទ្ធផលដូចជាថ្ងៃនេះ ខ្ញុំបានប្រឹងប្រែងយ៉ាងខ្លាំង ។ ខ្ញុំគិតថា ការវាយសឺវីសរបស់ខ្ញុំនៅថ្ងៃនេះល្អប្រសើរច្រើនជាងថ្ងៃម្សិលមិញ ។ នេះជាការបោះមួយជំហានបន្ថែមទៀតក្នុងអាជីពរបស់ខ្ញុំ ។ ពិតណាស់ ខ្ញុំពិតជាសប្បាយចិត្តខ្លាំង ដ្បិតជ័យជម្នះនេះនឹងផ្តល់កន្លែងពិសេសមួយដល់រូបខ្ញុំ» ។
ព្រមពេលជាមួយគ្នានោះដែរ នៅឯទីក្រុង Vienna ប្រទេសអូទ្រីស កីឡាករអង់គ្លេសអ៊ែនឌី មូរ៉េ បានយកឈ្នះពានជើងឯកកម្មវិធី Erste Bank Open ក្រោយពីបានបំបាក់កីឡាករជើងខ្លាំងរបស់អេស្ប៉ាញ David Ferrer នៅវគ្គផ្តាច់ព្រ័ត្រក្នុងលទ្ធផល៥-៧, ៦-២ និង៧-៥ ។
គេបានថ្លែងថា ៖ «វាជាការបញ្ចប់សប្តាហ៍ដ៏ល្អមួយ ។ ពិតណាស់ នេះជាការប្រកួតយ៉ាងសំខាន់ក្នុងដំណើរឆ្ពោះទៅកាន់ព្រឹត្តិការណ៍ដំណាច់ឆ្នាំ ATP World Tout Finals ។ យ៉ាងណាក្តី ការប្រើពេលដល់ទៅជាង២ម៉ោង គឺពិតជាមិនធម្មតាឡើយ» ៕
ឈិត គឹមឆុន
SOPHONN20141020_388_24003
រូប Chhon 20141020 (4-5)
កែ
ចែករំលែកព័តមាននេះ