ញូវយ៉ក ៖ ការដាំក្បាលចុះភ្លាមៗនៃតម្លៃប្រេងកំពុងតែនាំឱ្យសេដ្ឋកិច្ច និងនយោបាយមានការប្រែប្រួលក្នុងសម្ពាធខ្ពស់នៅជុំវិញពិភពលោក។ ក្នុងនោះបណ្តាប្រទេសនាំចេញប្រេងជាច្រើនកំពុងតែត្រៀមខ្លួនចំពោះការខ្វះខាតនៃថវិកាដែលជាប់គាំងដោយសក្តានុពល ហើយបណ្តាប្រជាជាតិនាំចូលឡាយ ក៏កំពុងទទួលផលចំណេញពីតម្លៃទាបបំផុតក្នុងអំឡុងពេល៤ឆ្នាំនេះដែរ ។
តម្លៃប្រេងលើសាកលលោកកាលពីថ្ងៃព្រហស្បតិ៍សប្តាហ៍មុនស្ថិតនៅអត្រា៨៤,៤៧ដុល្លារក្នុងមួយបារ៉ែល ធ្លាក់ចុះប្រមាណជា៣១ដុល្លារ ឬស្មើនឹង២៧% ពីកម្រិតខ្ពស់របស់ខ្លួនសម្រាប់ឆ្នាំ២០១៤នេះ ។ ឯការប្រើប្រាស់ប្រេងនៅទូទាំងពិភពលោក គឺមានចំនួន៩១លានបារ៉ែលក្នុងមួយថ្ងៃ មានន័យថា បណ្តាក្រុមហ៊ុននិងប្រទេសផលិតប្រេងលើពិភពលោកពាំនាំមកនូវចំណូលតិចជាង២,៨ពាន់លានដុល្លារជារៀងរាល់ថ្ងៃ ហើយអតិថិជនអ្នកដឹកជញ្ជូន និងក្រុមហ៊ុនអាកាសចរណ៍កំពុងសន្សំសំចៃនូវបរិមាណដែលលអាចប្រៀបធៀបបានលើសាំង មា៉ាស៊ូត និងប្រេងឥន្ធនៈសម្រាប់យន្តហោះជាដើម ។
គួរបញ្ជាក់ថា តម្លៃប្រេងបានរក្សាលំនឹងជិត៤ឆ្នាំហើយក្នុងតួលេខជាមធ្យម១១០ដុល្លារក្នុង១បារ៉ែល ។ ក្នុងនោះមានការកើនឡើងនៃផលិតកម្មក្នុងសហរដ្ឋអាមេរិក, កាណាដា, អុីរ៉ាក់ និងទីតាំងមួយចំនួនទៀត ដែលធ្វើឱ្យការផ្គត់ផ្គង់ធ្លាក់ចុះក្នុងប្រជាជាតិជាច្រើនដូចជា អុីរ៉ង់ និងលីប៊ី ហើយវាក៏ជួយដល់ការកើនឡើងនូវតម្រូវការពិភពលោកផងដែរ ។ ចំណែកផលចំណេញសេដ្ឋកិច្ចរបស់អ្នកបើកបរ ជាក់ស្តែងនៅសហរដ្ឋអាមេរិក អ្នកប្រើប្រាស់យានយន្តកំពុងតែចាយត្រឹមតែ៣,១៦ដុល្លារបុ៉ណ្ណោះចំពោះប្រេងសាំង៣,៧លីត្រ នេះបញ្ជាក់ថា ជាកម្រិតទាបបំផុតគិតចាប់តាំងពីឆ្នាំ២០១១ ដែលពួកគេជួបតែចំណាយច្រើន ។ នៅក្នុងស្ថានភាពទូទៅចំពោះការធ្លាក់ចុះនៃតម្លៃប្រេង ក៏ជារឿងល្អចំពោះអ្នកទិញ បុ៉ន្តែបែរជារឿងអាក្រក់សម្រាប់អ្នកលក់ទៅវិញ ៕
ចែករំលែកព័តមាននេះ