ខេត្តស្វាយរៀង ៖ លោក ជៀង អំ អភិបាលខេត្ត និងលោកស្នងការនគបាលខេត្តបានរៀបចំពិធីដុតបំផ្លាញឧបករណ៍នេសាទខុសច្បាប់រួមមានឧបករណ៍ឆក់ត្រីចំនួន១០៨៦គ្រឿង ស្បៃមុង១៥០ម៉ែត្រ អាវុធកែឆ្នៃ០៩ដើម និងចាប់ជនល្មើសដាក់ពន្ធនាគាម្នាក់។ ការដុតបំផ្លាញឧបករណ៍នេសាទនេះធ្វើឡើងនៅថ្ងៃទី២០ តុលា ២០១៤ វេលាម៉ោង៨ព្រឹក នៅមុខការិយាល័យនគរបាលសេដ្ឋកិច្ច នៃស្នងការដ្ឋានគរបាលខេត្តស្ថិតនៅភូមិមេភ្លើង សង្កាត់ស្វាយរៀងក្រុងស្វាយរៀង។
បើតាមលោកវរសេនីយ៍ទោ អ៊ុង សំអុល នាយការិយាល័យនគរបាលសេដ្ឋកិច្ចនៃស្នងការដ្ឋាននគរបាលខេត្តបានឲ្យដឹងថា ដោយមានបទល្មើសកើតឡើងច្រើននគរបាលការិយាលយ័សេដ្ឋកិច្ច សហការជាមួយប៉ុស្តិ៍រដ្ឋបាលចុះបង្ក្រាបនិងដកហូតឧបករណ៍ឆក់ត្រីបាន១០៨៦គ្រឿង ស្បៃមុង១៥០ម៉ែត្រ និងអាវុធកែឆ្នៃចំនួន០៩ដើម។ និងបានធ្វើកិច្ចសន្យាឲ្យបញ្ឈប់បទល្មើសបាន១០៤៤នាក់ និងបានកសាងសំណុំរឿងបញ្ជូនទៅលោកព្រះរាជអាជ្ញាអមសាលាដំបូងខេត្តស្វាយរៀងបានម្នាក់រួមនឹងវត្ថុតាងមានឧបករណ៍ឆក់ត្រី២គ្រឿង និងម៉ូតូមួយគ្រឿង។ ក្នុងនោះយើងសង្កេតឃើញថាបទល្មើសច្រើនជាងគេគឺស្រុកចន្ទ្រា បង្ក្រាបដកហូតបាន៣០២គ្រឿងអប់រំ និងធ្វើកិច្ចសន្យាបាន៣០២នាក់ ស្រុករមាសហែកដកហូតបាន១៩៤គ្រឿងអប់រំបាន១៩៤នាក់ ក្រុងបាវិតដកហូតបាន១៥២គ្រឿង និងអាវុធកែឆ្នៃ០៣ដើម អប់រំនិងធ្វើកិច្ចសន្យាបាន១៥៥នាក់។ ស្រុកស្វាយជ្រំដកហូតបាន៩៧គ្រឿង អប់រំបាន៩៧នាក់។ ស្រុករំដួល៧៧គ្រឿងធ្វើកិច្ចសន្យា៧៧នាក់។ ស្រុកស្វាយទាប៧៥គ្រឿងអាវុធកែឆ្នៃ០៦ដើម អប់រំនិងធ្វើកិច្ចសន្យាបាន៨១នាក់។ ក្រុងស្វាយរៀងដកហូតបាន១៤គ្រឿងនិងដកហូតស្បៃមុងបាន១៥០ម៉ែត្រអប់រំនិងធ្វើកិច្ចសន្យាបាន១៤នាក់ ៕
ចែករំលែកព័តមាននេះ