ហ្សាការតា ៖ ការវិនិយោគក្នុងប្រទេសឥណ្ឌូណេស៊ីមានការកើនទ្បើងខ្លាំងក្នុងអំទ្បុងខែកក្កដា ដល់ខែកញ្ញា ខណៈពេលដែលប្រធានាធិបតីឈ្នះឆ្នោត Joko Widodo បានផ្តល់នូវភាពជាក់លាក់មួយចំនួនចំពោះពាណិជ្ជកម្មក្នុងស្រុក ដើម្បីនឹងចាប់ផ្តើមការធ្វើឱ្យសម្រេចការវិនិយោគរបស់ពួកគេ ។
ហ្សាការតា ៖ ការវិនិយោគក្នុងប្រទេសឥណ្ឌូណេស៊ីមានការកើនទ្បើងខ្លាំងក្នុងអំទ្បុងខែកក្កដា ដល់ខែកញ្ញា ខណៈពេលដែលប្រធានាធិបតីឈ្នះឆ្នោត Joko Widodo បានផ្តល់នូវភាពជាក់លាក់មួយចំនួនចំពោះពាណិជ្ជកម្មក្នុងស្រុក ដើម្បីនឹងចាប់ផ្តើមការធ្វើឱ្យសម្រេចការវិនិយោគរបស់ពួកគេ ។
តាមរបាយការណ៍ដែលចេញផ្សាយដោយក្រុមប្រឹក្សាសម្របសម្រួលការវិនិយោគរបស់ឥណ្ឌូណេស៊ី (BKPM) បង្ហាញថា ការសម្រេចបាននូវការវិនិយោគសរុបក្នុងប្រទេសឈានដល់កម្រិត៩,៨៣ពាន់លានដុល្លារ នៅក្នុងត្រីមាសទី៣ឆ្នាំនេះ កើនទ្បើង១៩%ពីអំទ្បុងពេលដូចគ្នាកាលពីឆ្នាំមុន ។ បើប្រៀបធៀបទៅនឹងកំណើនពីមួយឆ្នាំទៅមួយឆ្នាំក្នុងត្រីមាសទី២ មាន១៦% និងត្រីមាសទី១ មាន១៥% ។
លោក Mahendra Sirega ប្រធានអង្គភាព BKPM បានលើកទ្បើងថា លោកមានក្តីរំពឹងនូវកំណើនដ៏វិជ្ជមាននឹងបន្តកើតមានក្នុងរយៈពេលបីខែក្រោយ ហើយនៅដំណាច់ឆ្នាំនេះ នឹងសម្រេចបាននូវកំណើន១៥% ក្នុងការវិនិយោគពិតប្រាកដ ដែលស្ថិតក្នុងលក្ខខណ្ឌគោលដៅរបស់ BKPM ។ ចំណែកការវិនិយោគក្នុងស្រុកបានកើនទ្បើង២៤% ឬស្មើនឹង៣,៤១ពាន់លានដុល្លារ បន្ទាប់ពីមានអត្រាសន្ទុះយឺតក្នុងរយៈពេល៦ខែដំបូង ស្របពេលដែលវិនិយោគបានផ្អាកការបណ្តាក់ទុនបណ្តោះអាសន្ន ដើម្បីរង់ចាំមើលអ្នកឈ្នះឆ្នោតជាប្រធានាបតីមួយច្បាស់លាស់ ។ រីឯការវិនិយោគផ្ទាល់ពីបរទេសបានកើនទ្បើង១៧% ឬស្មើនឹង៦,៤២ពាន់លានដុល្លារ ក្នុងអំទ្បុងខែកក្កដា ដល់ខែកញ្ញា ដែលជាការកើនទ្បើង នៅក្នុងការបោះជំហានដូចគ្នាទៅនឹងត្រីមាសមុន ។
ទោះជាយ៉ាងណាលោក Mahendra បានសម្តែងការជឿជាក់ថា ការវិនិយោគអាចនឹងកើនទ្បើង១៥% ទៅ១៨% នៅឆ្នាំ២០១៥ខាងមុខ ដោយសារតែការយល់ដឹងនឹងជឿជាក់ខ្លាំងរបស់អ្នកជំនាញក្រោមគោលនយោបាយវិនិយោគថ្មីរបស់រដ្ឋាភិបាល ៕
ចែករំលែកព័តមាននេះ