ទូរទស្សន៍ជប៉ុន NHK រាយការណ៍ថា លោកស្រីយូកូ អូប៊ូជី រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មជបុ៉ន បានដាក់ពាក្យសុំលាលែងចេញពីតំណែងកាលពីថ្ងៃទី២០ តុលា ក្រោយពីមានការចោទប្រកាន់ពីរឿងប្រើប្រាស់ប្រាក់សម្រាប់បណ្តាសកម្មភាពនយោបាយបម្រើគោលដៅបុគ្គលផ្ទាល់របស់លោកស្រី ។
ទូរទស្សន៍ជប៉ុន NHK រាយការណ៍ថា លោកស្រីយូកូ អូប៊ូជី រដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មជបុ៉ន បានដាក់ពាក្យសុំលាលែងចេញពីតំណែងកាលពីថ្ងៃទី២០ តុលា ក្រោយពីមានការចោទប្រកាន់ពីរឿងប្រើប្រាស់ប្រាក់សម្រាប់បណ្តាសកម្មភាពនយោបាយបម្រើគោលដៅបុគ្គលផ្ទាល់របស់លោកស្រី ។
ការសុំលាលែងនេះញ៉ាំងឱ្យនាយករដ្ឋមន្ត្រីជបុ៉ន លោកស៊ីនហ្សូអាបេ ជួបការលំបាកថែមនៅពេលលោកត្រូវធ្វើសេចក្តីសម្រេចចិត្តខាងនយោបាយដ៏លំបាកនានា ក្នុងនោះរួមមានការដំឡើងពន្ធលើតម្លៃបន្ថែម TVA ១០% ដែលនាំឱ្យបាត់បង់ប្រជាប្រិយភាពខ្លាំងរួចហើយ ។លោកស្រីយូកូ អូប៊ូជី សមាជិកាគណបក្សសេរីប្រជាធិបតេយ្យ និងជាកូនស្រីរបស់អតីតនាយករដ្ឋមន្ត្រីមួយរូប ជានារី១រូបក្នុងចំណោមនារី៥រូបដែលត្រូវតែងតាំងជារដ្ឋមន្ត្រីក្នុងការរុះរើគណៈរដ្ឋមន្ត្រីជបុ៉នកាលពីថ្ងៃទី៣ កញ្ញា កន្លងមកនេះ ។ លោកស្រីជានារីជបុ៉នដំបូងគេដែលកាន់តំណែងរដ្ឋមន្ត្រីសេដ្ឋកិច្ចជបុ៉ន ។
យោងតាមទីភ្នាក់ងារព័ត៌មានជបុ៉នក្យូដូថា លោកស៊ីនហ្សូអាបេ ក៏គ្រោងផងដែរផ្លាស់ប្តូររដ្ឋមន្ត្រីក្រសួងយុត្តិធម៌ លោកស្រីមីដូវី ម៉ាតស៊ូសុីម៉ា ដែលក៏ជាប់សង្ស័យដែរលើរឿងរំលោភយកមូលនិធិសាធារណៈ ៕
ចែករំលែកព័តមាននេះ