ការព្យាបាលជំងឺពុកឆ្អឹង ឱ្យបានទាន់ពេលវេលាអាចកាត់បន្ថយការប្រឈមទៅនឹងការបាក់បែកឆ្អឹង ។ ទោះជាយ៉ាងណា គ្មានមធ្យោបាយណាមួយអាចព្យាបាលជំងឺពុកឆ្អឹងឱ្យជាសះស្បើយមួយរយភាគរយនោះទេ តែវិធីសាស្ត្រល្អបំផុតសម្រាប់អ្នកមានបញ្ហាឆ្អឹងគួរជ្រើសរើសការហាត់ប្រាណមកអនុវត្តជារឿងប្រសើរជួយបង្កើនកម្លាំងឆ្អឹង ។
ការព្យាបាលជំងឺពុកឆ្អឹង ឱ្យបានទាន់ពេលវេលាអាចកាត់បន្ថយការប្រឈមទៅនឹងការបាក់បែកឆ្អឹង ។ ទោះជាយ៉ាងណា គ្មានមធ្យោបាយណាមួយអាចព្យាបាលជំងឺពុកឆ្អឹងឱ្យជាសះស្បើយមួយរយភាគរយនោះទេ តែវិធីសាស្ត្រល្អបំផុតសម្រាប់អ្នកមានបញ្ហាឆ្អឹងគួរជ្រើសរើសការហាត់ប្រាណមកអនុវត្តជារឿងប្រសើរជួយបង្កើនកម្លាំងឆ្អឹង ។
ជាមួយគ្នានេះ លោកសាស្ត្រាចារ្យវេជ្ជបណ្ឌិត ស៊ិក ធីរៈ ឯកទេសជំងឺសន្លាក់និងវះកាត់ឆ្អឹងបាក់បែក នៃគ្លីនិកឯកទេសឆ្អឹងសំណង់១២ បានប្រាប់កោះសន្តិភាពឱ្យដឹងថា វាមានការលំបាកខ្លាំងណាស់ដើម្បីជួសជុលឬស្តារទ្បើងវិញនូវឆ្អឹងដែលបានខូចបាត់បង់ភាពរឹងមាំដោយសារជំងឺពុកឆ្អឹង ។ ដូច្នេះការការពារជំងឺពុកឆ្អឹង ដោយការព្យាបាលជារឿងសំខាន់ ។ ខាងក្រោមនេះគឺជារបៀបព្យាបាលជំងឺពុកឆ្អឹង និងវិធីសាស្ត្រការពារ៖
១-ផ្លាស់ប្តូររបៀបក្នុងការរស់នៅ ដែលរួមមាន៖
-បញ្ឈប់ការជក់បារី
-កុំទទួលទានគ្រឿងស្រវឹង
-ហាត់ប្រាណឱ្យបានទៀងទាត់
-ទទួលទានរបបអាហារឱ្យមានតុល្យភាពនិងគ្រប់គ្រាន់ជាមួយជាតិកាល់ស្យូម និងវីតាមីន D
២-ប្រើប្រាស់ថ្នាំដែលបង្កើនកម្លាំងឆ្អឹង
៣-ប្រើប្រាស់ថ្នាំបង្កើនការផលិតឆ្អឹង
ផ្លាស់ប្តូររបៀបរស់នៅដោយការហាត់ប្រាណ បញ្ឈប់ការជក់បារី ឬសេពគ្រឿងស្រឹងផ្តល់សារប្រយោជន៍ជាច្រើនដល់សុខភាពទូទៅ ។ ប៉ុន្តែការហាត់ប្រាណមិនអាចបង្កើនកំហាប់ឆ្អឹងបានទេ ។ ផលប្រយោជន៍នៃការហាត់ប្រាណចំពោះអ្នកជំងឺពុកឆ្អឹង គឺអាចកាត់បន្ថយការដួល ដោយសារកម្លាំងសាច់ដុំត្រូវបានពង្រឹង ។ អ្នកស្រាវជ្រាវមិនទាន់កំណត់បាននៅទ្បើយទេថា តើការហាត់ប្រាណបែបណា និងរយៈពេលប៉ុន្មាន ដែលល្អសម្រាប់អ្នកជំងឺពុកឆ្អឹង ។ ប៉ុន្តែវេជ្ជបណ្ឌិតភាគច្រើនបានណែនាំថា លំហាត់ប្រាណរក្សាទម្ងន់ខ្លួន (weight-bearing exercise) ដូចជា ការដើរ អាចជាវិធីសាស្ត្រដ៏ល្អបំផុត ។
ចៀសវាងការធ្វើលំហាត់ប្រាណណាដែលប៉ះពាល់ដល់ឆ្អឹង ដែលមានសភាពចុះខ្សោយស្រាប់ហើយ ។ អ្នកជំងឺដែលមានអាយុចាប់ពី៤០ឆ្នាំ និងអ្នកដែលមានជំងឺបេះដូង ធាត់លើសទម្ងន់ ជំងឺទឹនោមផ្អែម និងជំងឺលើសឈាម គួរទៅប្រឹក្សាយោបល់ ឬទទួលការណែនាំនានា ពីជំនាញមុននឹងធ្វើលំហាត់ប្រាណ ។ ការហាត់ប្រាណធ្ងន់ធ្ងរពេកដូចជា ការរត់ម៉ារា៉តុង មិនល្អសម្រាប់សុខភាពឆ្អឹងនោះទេ ។ ស្ត្រីវ័យក្មេង ដែលចូលចិត្តរត់ម៉ារ៉ាតុង អាចធ្វើឱ្យខ្លួនឯងស្រក់ទម្ងន់ និងឆាប់អស់រដូវ ដែលជាប្រភពនាំឱ្យប្រឈមមុខនឹងជំងឺពុកឆ្អឹង ៕
ចែករំលែកព័តមាននេះ