សមាគមអាមេរិកសម្រាប់ការស្រាវជ្រាវជំងឺមហារីក(AACR)បានព្យាករថា ជនជាតិអាមេរិកជាង៥៨ម៉ឺន៥ពាន់នាក់នឹងស្លា.ប់ពីជំងឺមហារីកនៅឆ្នាំ២០១៥ ។ យ៉ាងណាក៏ដោយ ជិតពាក់កណ្តាលនៃចំនួនអ្នកដែលនឹងត្រូវស្លា.ប់ទាំងនោះអាចបញ្ចៀសបានដោយគ្រាន់តែធ្វើការផ្លាស់ប្តូររបៀបរបបរស់នៅ២-៣ចំណុចប៉ុណ្ណោះ ។
សមាគមអាមេរិកសម្រាប់ការស្រាវជ្រាវជំងឺមហារីក(AACR)បានព្យាករថា ជនជាតិអាមេរិកជាង៥៨ម៉ឺន៥ពាន់នាក់នឹងស្លាប់ពីជំងឺមហារីកនៅឆ្នាំ២០១៥ ។ យ៉ាងណាក៏ដោយ ជិតពាក់កណ្តាលនៃចំនួនអ្នកដែលនឹងត្រូវស្លាប់ទាំងនោះអាចបញ្ចៀសបានដោយគ្រាន់តែធ្វើការផ្លាស់ប្តូររបៀបរបបរស់នៅ២-៣ចំណុចប៉ុណ្ណោះ ។
ក្នុងរបាយការណ៍ប្រចាំឆ្នាំ២០១៤របស់ខ្លួនដែលចេញផ្សាយកាលពីពេលថ្មីៗនេះ សមាគមAACRបានបញ្ជាក់ថា ប្រហែលមួយភាគបីនៃចំនួនអ្នកស្លាប់នឹងជំងឺមហារីកនៅឆ្នាំក្រោយ(ប្រហែលជា២ម៉ឺននាក់) គឺជាអ្នកប្រើប្រាស់ថ្នាំជក់ ។ បើទោះបីមានការផ្តល់ព័ត៌មានជាញឹកញាប់ស្ទើរគ្មានចន្លោះពេលអំពីផលគ្រោះថ្នាក់របស់ថ្នាំជក់ក្តី តែជនជាតិអាមេរិកប្រមាណជិត៨០ម៉ឺននាក់រៀងរាល់ឆ្នាំ នៅតែជក់បារីជាដដែល។ ចំណែកមួយភាគបីផ្សេងទៀតគឺបង្កដោយរាងកាយធាត់ជ្រុល ទម្លាប់ទទួលទានអាហារគ្មានប្រយោជន៍ដល់សុខភាពឬកង្វះខាតសកម្មភាពរាងកាយ ។
សមាគមAACRបានបន្តក្នុងរបាយការណ៍ថា បែបបទរស់នៅល្អបានផ្តល់ឱ្យអ្នកជំងឺមហារីកនូវការបុរេវិនិច្ឆ័យការវិវឌ្ឍរោគសញ្ញាបានកាន់តែល្អប្រសើរជាងមុន ។ នេះមានន័យថា ហាត់ប្រាណទៀងទាត់(យ៉ាងហោចណាស់១០នាទីរៀងរាល់ថ្ងៃ) ទទួលទានរបបអាហារផ្តល់អត្ថប្រយោជន៍ចំពោះរាងកាយ ព្រមទាំងប្រើប្រាស់ឡេការពារកម្តៅថ្ងៃគឺជាអ្វីដែលគួរយកមកអនុវត្ត ។ ចំណុចមួយទៀតនៅក្នុងរបាយការណ៍ដដែលនេះគឺថា បណ្តាអ្នកកើតជំងឺមហារីកកាន់តែច្រើនឡើងអាចបន្តការរស់រានមានជីវិតកាន់តែយូរជាងមុន(តាមចំនួនប៉ាន់ស្មានគឺប្រហែលជា៤ភាគរយសម្រាប់តែប្រជាននៅអាមេរិក) បន្ទាប់ពីពួកគេបានយល់ដឹងពីវិធីថែទាំសុខភាពចាំបាច់នានា ៕
ចែករំលែកព័តមាននេះ