ប្រធានាធិបតីអ៊ុយក្រែន លោក ប៉េត្រូ ប៉ូរ៉ូឆេនកូ អះអាងថា លោកបានព្រមព្រៀងជាមួយរុស្ស៊ី ពេលជួបពិភាក្សាគ្នានៅទីក្រុងមីឡានប្រទេសអីុតាលី លើតម្លៃបណ្តោះអាសន្ននៃឧស្ម័នរុស្ស៊ី ផ្តល់ឱ្យអ៊ុយក្រែន ហើយអះអាងថា ប្រការនោះនឹងអាចបញ្ចប់ដោយឆាប់រហ័សនូវជម្លោះខាងឧស្ម័នរវាងប្រទេសទាំង២។
ប្រធានាធិបតីអ៊ុយក្រែន លោក ប៉េត្រូ ប៉ូរ៉ូឆេនកូ អះអាងថា លោកបានព្រមព្រៀងជាមួយរុស្ស៊ី ពេលជួបពិភាក្សាគ្នានៅទីក្រុងមីឡានប្រទេសអីុតាលី លើតម្លៃបណ្តោះអាសន្ននៃឧស្ម័នរុស្ស៊ី ផ្តល់ឱ្យអ៊ុយក្រែន ហើយអះអាងថា ប្រការនោះនឹងអាចបញ្ចប់ដោយឆាប់រហ័សនូវជម្លោះខាងឧស្ម័នរវាងប្រទេសទាំង២។
ក្នុងបទសម្ភាសន៍មួយផ្សាយកាលពីយប់ថ្ងៃទី១៨ តុលា ដោយទូរទស្សន៍អ៊ុយក្រែន លោក ប៉ូរ៉ូ ឆេនកូ មានប្រសាសន៍ថា នៅលើមូលដ្ឋាននៃការពិភាក្សាគ្នានោះ ខ្ញុំអាចនិយាយបានថា អ៊ុយក្រែននឹងមានឧស្ម័នប្រើ និងដុតកម្តៅ ។
ក្រោយពេលជួបគ្នានៅទីក្រុងមីឡាន កាលពីថ្ងៃទី១៧ តុលា ជាមួយលោក ប៉ូរ៉ូ ឆេនកូ ប្រធានាធិបតីរុស្ស៊ី លោក វ៉្លាឌីមៀរ ពូទីន អះអាងរួចហើយពីការរីកចម្រើន និងកិច្ចព្រមព្រៀងលើបណ្តាលក្ខខណ្ឌនៃការផ្គត់ផ្គង់ឧស្ម័នឡើងវិញយ៉ាងហោចណាស់ក្នុងរដូវរងាដែលមកដល់ដែរ ។
ក្រុមហ៊ុនឧស្ម័នយក្សរុស្ស៊ី GAZPROM បានកាត់ផ្តាច់កាលពីខែមិថុនា នូវការផ្គត់ឧស្ម័នឱ្យអ៊ុយក្រែន ដែលបដិសេធមិនព្រមទទួលយកការតម្លើងថ្លៃកំណត់ដោយក្រុងមូស្គូ ក្រោយការឡើងកាន់អំណាចរបស់ពួកស្និទ្ធអឺរ៉ុបនៅអ៊ុយក្រែន កាលពីខែកុម្ភៈ និងការជំពាក់បំណុលយ៉ាងច្រើនរបស់អ៊ុយក្រែន ។
លោក ម៉ូរ៉ូ ឆេនកូ ថ្លែងថា ទាក់ទិននឹងតម្លៃយើងឈានដល់ការព្រមព្រៀងគ្នាមួយ ដោយជំហររបស់អ៊ុយក្រែនត្រូវបានទទួលយក។ និយាយតែសម្រាប់រដូវរងាយើងកំណត់តម្លៃត្រឹម៣៨៥ដុល្លារក្នុង១០០០ម៉ែត្រគូប ខណៈតម្លៃកំណត់បច្ចុប្បន្ន៤៨៥ដុល្លារក្នុង១០០០ម៉ែត្រគូប ៕
ចែករំលែកព័តមាននេះ