រាជធានីភ្នំពេញ ៖ Samsung Electronics co.,Ltd ដែលជាក្រុមហ៊ុនបច្ចេកវិទ្យាឈានមុខគេលើទីផ្សារពិភពលោក និងនៅទីផ្សារកម្ពុជា នៅល្ងាចថ្ងៃទី១៨ តុលា នេះ បានរៀបចំកម្មវិធីបើកសម្ពោធ និងដាក់លក់ជាផ្លូវការនូវទូរស័ព្ទដៃម៉ាក Samsung Galaxy Note 4 ប្រារព្ធធ្វើឡើងនៅផ្សារទំនើបអ៊ី អន និងដោយមានការចូលរួមជាកិត្តិយសពីលោក ជា សុជាតិ ប្រធានផ្នែកទូរស័ព្ទដៃនៃក្រុមហ៊ុនសាំសុង កញ្ញា ឱក សុគន្ធកញ្ញា ជាតារាចម្រៀងល្បីមួយរូបនៅក្នុងវិស័យសិល្បៈ រួមនឹងភ្ញៀវកិត្តិយសជាច្រើនទៀត។
នៅក្នុងកម្មវិធីបើកសម្ពោធលក់ជាផ្លូវការនេះផងដែរ ត្រូវបានក្រុមហ៊ុនធ្វើបទបង្ហាញាថា Samsung Galaxy Note 4 មានលក្ខណៈពិសេស៦យ៉ាងក្លាយជាទូរស័ព្ទជាប់ចំណាត់ថ្នាក់លេខ១ ៖ ទី១-ផ្ទៃអេក្រង់ធំ ហ៊ុមព័ទ្ធដោយលោហៈរឹងមាំ ភ្លឺ ស្រស់ស្អាត រាងស្តើងផ្តល់ភាពងាយស្រួលមានពណ៌ស្រស់ស្អាតចំនួន៤ពណ៌សម្រាប់ជ្រើសរើស ទី២- S Pen ជាប៊ិកដែលមានឆ្លាតវៃមានការច្នៃប្រឌិតខ្ពស់ងាយស្រួលកត់ត្រា និងមានមុខងារដូច Mouse ឬប៊ិកពិតប្រាកដអាចគូសព្រាង ឬផ្លាស់ប្តូរទីតាំងអក្សរ រូបភាពយកចេញពីកាមេរ៉ាថតបានភ្លាមៗបានថែមទៀត ទី៣-គុណភាពកាមេរ៉ាថតភ្លឺយ៉ាងច្បាស់ជាមួយកាមេរ៉ាក្រោយទំហំ១៦មីហ្គាភីសែល និងកាមេរ៉ាមុខ៣.៧មីហ្គាភីសែល សម្រាប់ថតរូបលក្ខណៈ Wide Selfie ជាមួយមនុស្សជាច្រើនបានយ៉ាងងាយស្រួល ទី៤-អេក្រង់កម្រិត QHD Super AMOLED ទី៥-Multi Window ដែលអាចប្រើប្រាស់បានច្រើនកម្មវិធីក្នុងពេលតែមួយ ដែលធ្វើឲ្យអ្នកប្រើប្រាស់កាន់តែងាយស្រួលអាចមើល និងប្រើ Window ច្រើនក្នុងពេលតែមួយដូចគ្នា និងទី៦-សាកថ្មបានលឿនឆាប់ពេញ និងជួយសន្សំសំចៃបានយ៉ាងច្រើន (Power Saving)។
ចំណុចពិសេសខាងលើនេះ ពិតជាធ្វើឲ្យ Samsung Galaxy Note 4 ក្លាយជាកំពូលស្មាតហ្វូនស័ក្គសមបំផុតដើម្បីបំពេញតម្រូវការអតិថិជននៅក្នុងសម័យដ៏ទំនើបនេះ៕
ចែករំលែកព័តមាននេះ