រាជធានីភ្នំពេញ ៖ ការឈឺខ្នងអាចជាបញ្ហាមួយកើតមានច្រើននៅក្នុងចំណោមប្រជាជនកម្ពុជា បើទោះបីជាការគេមិនមានតួលេខផ្លូវការក្តី។
នៅក្នុងការពិភាក្សាគ្នាអំពីបញ្ហាឈឺឆ្នឹងខ្នង និងបច្ចេកវិទ្យាថ្មី និងការវះកាត់ទំនើប ដោយបើកមុខតូច និងមានសុវត្ថិភាពបំផុត កាលពីថ្ងៃទី១៨ តុលា ២០១៤ នៅសណ្ឋាគាភ្នំពេញ ដែលរៀបចំដោយមន្ទីរពេទ្យ រ៉ាំ សាយ សាំដាប៊ី (Ramsay Sime Darby Healthcare) គេឃើញមានអ្នកចូលរួមជាច្រើនលើកឡើងអំពីបញ្ហាឈឺខ្នងនេះ។
លោកវេជ្ជបណ្ឌិត មូរូហ្ហា កុមារ ( Rumuga Kumar) គ្រូពេទ្យឯកទេសផ្នែកវះកាត់សរសៃប្រសាទ ( Neurosurgeon) ពិសេសលើការវះកាត់ឆ្អឹងខ្នង និងខួរក្បាល បាននិយាយថា ជាទូទៅរហូតដល់៩៥ភាគរយ នៃការព្យាបាលការឈឺខ្នងអាចបាត់ទៅវិញ តាមរយ:ការប្រើថ្នាំ ការធ្វើការព្យបាលដោយចលនា និងការសម្រាក។
ប៉ុន្តែបើសិនជាមិនដូចច្នោះទេ គេអាចនឹងឈានដល់ការវះកាត់។ លោកបាននិយាយថា ឥឡូវ មន្ទីរពេទ្យ រ៉ាំសាយ សាំដាប៊ី មានបច្ចេកទេសវះកាត់ឆ្អងខ្នងដ៏ថ្មីបំផុតដំបូងគេនៅអាស៊ី។ បច្ចេកវិទ្យានោះហៅថា XLIF ដែលការវះកាត់បើកមុខតូចបំផុត ហើយអ្នកជំងឺអាចចេញពីមន្ទីរពេទ្យមួយថ្ងៃក្រោយការវះកាត់។
ប្រជាជនកម្ពុជា ដែលមានបញ្ហាឈឺឆ្អឹងខ្នង និងចម្ងល់ទាក់ទងការព្យាបាលដោយថ្នាំ និងការវះកាត់ XLIF សម្រាប់ការព្យាបាលឈឺឆ្អឹងខ្នងនេះ អាចទាក់ទងវេជ្ជបណ្ឌិត ងួន សេរ័ត្ន តាមទូរស័ព្ទ 012 267 277 សម្រាប់ព័ត៌មានបន្ថែម និងសម្រាប់ការណាត់ជួបវេជ្ជបណ្ឌិតកុមារ ដែលជាគ្រូពេទ្យវះកាត់ឆ្អឹងខ្នងដ៏ល្បីបំផុតនៅម៉ាឡេស៊ី ដោយឆ្លងកាត់ ការវះកាត់រយ:ពេល១៥ឆ្នាំមកហើយ៕
ចែករំលែកព័តមាននេះ