ខេត្តសៀមរាប ៖ ជនសង្ស័យម្នាក់ត្រូវបានសមត្ថកិច្ចមូលដ្ឋានសហការជាមួយកម្លាំងអធិការក្រុងសៀមរាបធ្វើការឃាត់ខ្លួន បន្ទាប់ពីជនសង្ស័យរូបនោះបានចូលទៅអូសម៉ូតូបំរុងលួចតែត្រូវបានអ្នកជិតខាងមើលឃើញទាន់ក៏ស្រែកឆោឡោឡើងធ្វើឲ្យមានការភ្ញាក់ផ្អើល ហើយក៏នាំគ្នាដេញចាប់ជនសង្ស័យបានតែម្តង ។ហេតុការ
ខេត្តសៀមរាប ៖ ជនសង្ស័យម្នាក់ត្រូវបានសមត្ថកិច្ចមូលដ្ឋានសហការជាមួយកម្លាំងអធិការក្រុងសៀមរាបធ្វើការឃាត់ខ្លួន បន្ទាប់ពីជនសង្ស័យរូបនោះបានចូលទៅអូសម៉ូតូបំរុងលួចតែត្រូវបានអ្នកជិតខាងមើលឃើញទាន់ក៏ស្រែកឆោឡោឡើងធ្វើឲ្យមានការភ្ញាក់ផ្អើល ហើយក៏នាំគ្នាដេញចាប់ជនសង្ស័យបានតែម្តង ។ហេតុការណ៍ដេញចាប់ខ្លួនជនសង្ស័យនេះធ្វើឡើងនៅវេលាម៉ោង១៩ និង៤០នាទី ថ្ងៃទី១៦ ខែតុលា ស្ថិតនៅមុខភោជនីយដ្ឋានទន្លេមេគង្គ ក្នុងភូមិគ្រួស សង្កាត់ស្វាយដង្គំ ក្រុងសៀមរាប ។
សាក្សីនៅកន្លែងកើតហេតុបានឲ្យដឹងថា មុនដំបូងគេឃើញជនសង្ស័យម្នាក់អង្គុយកាត់ខ្សែដែលជាប់នឹង ក ម៉ូតូរបស់ជនរងគ្រោះរួចអូសចេញ ពេលនោះត្រូវបានអ្នកជិតខាងស្រែកថា មានគេយកម៉ូតូទៅហើយ ស្រាប់តែជនសង្ស័យទុកម៉ូតូចោលហើយរត់គេចខ្លួន ត្រូវបានកម្លាំងប្រជាការពារនិងសមត្ថកិច្ចធ្វើការឃាត់ខ្លួនបានជាក់ស្តែង ។
លោក អនុសេនីយឯក នួន ស័ក្កិចំរើនរិទ្ធ អធិការរងទទួលបន្ទុកព្រហ្មទណ្ឌក្រុងសៀមរាប បានប្រាប់កោះសន្តិភាពនៅព្រឹកថ្ងៃទី១៨ ខែតុលានេះ ថាបន្ទាប់ពីការរាយការណ៍ពីប្រជាពលរដ្ឋនិងអាជ្ញធរមូលដ្ឋាន លោកក៏បានបញ្ជាឲ្យកម្លាំងនគរបាលចុះទៅធ្វើការឃាត់ខ្លួនជនសង្ស័យនៅកន្លែងកើតហេតុបានភ្លាមៗ ។ លោកបន្តថា ជនសង្ស័យមានឈ្មោះ ហ៊ុយ ប៊ុនណា ភេទប្រុស អាយុ២៨ឆ្នាំ មុខរបរមិនពិតប្រាកដស្នាក់នៅបន្ទប់ក្នុងភូមិទក្សិណត្បូង សង្កាត់គោកចក ក្រុងសៀមរាប ។ លោកបន្តទៀតថា ជនសង្ស័យបានសារភាពនៅចំពោះមុខសមត្ថកិច្ចថាខ្លួនពិតជាចង់លួចម៉ូតូនោះមែន ព្រោះខ្លួនធ្លាប់ប្រើប្រាស់គ្រឿងញៀន ។
រីឯជនរងគ្រោះដែលចោរប៉ងលួចម៉ូតូនោះមានឈ្មោះ ម៉ប់ ប៊ុនលេង ហៅម៉ាប់ ភេទប្រុស អាយុ១៩ឆ្នាំស្នាក់នៅសង្កាត់គោកចក ក្រុងសៀមរាបហើយម៉ូតូដែលជនសង្ស័យបំរុងលួចនោះម៉ាកសង់C125 ពណ៌ខ្មៅស៊េរី២០១៤ ពាក់ស្លាកលេខ សៀមរាប1P0230 ។ បច្ចុប្បន្នជនសង្ស័យត្រូវបានកម្លាំងអធិការនគរបាលក្រុងសៀមរាបរៀបចំសំណុំរឿងបញ្ជូន ទៅតុលាការដើម្បីចាត់ការតាមផ្លូវច្បាប់។
ចែករំលែកព័តមាននេះ