ខេត្តក្រចេះ ៖ ជនជាមុខសញ្ញាជួញដូរគ្រឿងញៀនម្នាក់ រួមទាំងថ្នាំញៀនមួយចំនួន គឺប៉ូលិសស្រុកស្នួល បានធ្វើការចាប់ឃាត់ខ្លួនបានកាលពីរសៀលថ្ងៃទី១៦ ខែតុលា ខាងក្រោយទីបញ្ជារកាប៉េអ៊ឹមស្រុកស្នួល ក្នុងឃុំស្នួល ស្រុកស្នួល ។ ប៉ូលិសព្រហ្មទណ្ឌស្រុកស្នួលបាននិយាយថា ជនសង្ស័យរូបនេះ ឈ្មោះ លី ហេង អាយុ
ខេត្តក្រចេះ ៖ ជនជាមុខសញ្ញាជួញដូរគ្រឿងញៀនម្នាក់ រួមទាំងថ្នាំញៀនមួយចំនួន គឺប៉ូលិសស្រុកស្នួល បានធ្វើការចាប់ឃាត់ខ្លួនបានកាលពីរសៀលថ្ងៃទី១៦ ខែតុលា ខាងក្រោយទីបញ្ជារកាប៉េអ៊ឹមស្រុកស្នួល ក្នុងឃុំស្នួល ស្រុកស្នួល ។ ប៉ូលិសព្រហ្មទណ្ឌស្រុកស្នួលបាននិយាយថា ជនសង្ស័យរូបនេះ ឈ្មោះ លី ហេង អាយុ២៤ឆ្នាំ មានស្រុកកំណើតនៅស្រុកស្នួល ជាមុខសញ្ញាជួញដូរគ្រឿងញៀនដែល ប៉ូលិសកំពុងតែតាមអង្កេត ។
អធិការរងនគរបាលស្រុកស្នួលលោក អនុសេនីយ៍ ឯក ប៊ុត នឿន បានឲ្យដឹងថា ជនសង្ស័យរួមទាំងថ្នាំញៀនប្រភេទម៉ាទឹកកក និង សម្ភារៈសម្រាប់ចែកចាយមួយចំនួនទៀតគឺ ត្រូវនគរបាលចាប់ឃាត់និងឆែកឆេររកឃើញនៅលើខ្លួនជននេះដែលកំពុងតែធ្វើ សកម្មភាពចែកចាយ និងមួយចំនួនទៀតគឺឆែកឆេររកឃើញនៅក្នុងបន្ទប់ដេកផ្ទះជួល ។ លោកអធិការរងព្រហ្មទណ្ឌបានបញ្ជាក់ថា ក្នុងសកម្មភាពនៃការចុះចាប់ឃាត់ខ្លួនរូបនេះ គឺប៉ូលិសបានដកហូតនូវគ្រឿងញៀនប្រភេទម៉ាទឹកកចំនួន៣កញ្ចប់ តូចធំ និងសម្ភារៈ សម្រាប់ចែកចាយមួយចំននួនទៀត ។
លោកអនុសេនីយ៍ឯក ប៊ុត នឿន បានបញ្ជាក់ថា កន្លងមកមានមុខសញ្ញាគ្រឿងញៀន មុខសញ្ញាចោរកម្ម និងជនដៃដល់ក្នុងការណីឃាតកម្ម ដោយមានការចង្អុល បង្ហាញពីសំណាក់លោកអធិការ និងលោកឧត្តមសេនីយ៍ស្នងការរួចមកនោះគឺរូបលោក បានចុះធ្វើការចាប់ បង្រ្កាបយកមកផ្តន្ទាទោសបានជាបន្តបន្ទាប់ ។ ជនសង្ស័យរូបនេះ និងគ្រឿងញៀនមួយចំនួនទៀត គឺត្រូវប៉ូលិសកំពុងឃាត់ខ្លួននៅ អធិការស្រុកស្នួល ដើម្បីកសាងសំណុំរឿងមកកាន់ស្នងការរដ្ឋាន។
ចែករំលែកព័តមាននេះ